സ്പാനിഷ് ലാലിഗയിൽ വമ്പൻമ്മാർക്ക് ജയം. ബാഴ്സലോണ എതിരില്ലാത്ത മൂന്നു ഗോളുകൾക്ക് ഐബറിനെ കീഴടക്കി. കറ്റാലന്മാർക്ക് വേണ്ടി സുവാരസ് ഇരട്ട ഗോൾ നേടി. പത്തൊൻപതാം മിനുട്ടിലും അൻപത്തൊൻപതാം മിനുട്ടിലുമായിരുന്നു സുവാരസിന്റെ ഗോളുകൾ. അൻപത്തിമൂന്നാം മിനുട്ടിൽ മെസിയുടെ വകയായിരുന്നു ബാഴ്സയുടെ രണ്ടാം ഗോൾ. ഇതോടെ സ്പാനിഷ് ലീഗിൽ 400 ഗോൾ നേടുന്ന ആദ്യതാരമായി മെസി.
മറ്റൊരു മത്സരത്തിൽ റയൽ മാൻഡ്രിഡ് ഒന്നിനെതിരെ രണ്ട് ഗോളുകൾക്ക് റയൽ ബെറ്റിസിനെ തോൽപ്പിച്ചു. റെയൽ മാഡ്രിഡിനുവേണ്ടി മോഡ്രിച്ചും ഡാനി സെബല്ലോസും ഗോൾ നേടി. കനാലെസാണ് റയൽ ബെറ്റിസിന്റെ ആശ്വാസ ഗോൾ കണ്ടെത്തിയത്.
ലവന്തെയെ ഏകപക്ഷീയമായ ഒരു ഗോളിന് കീഴടക്കിയ അത്ലറ്റികോ മഡ്രിഡ് ലീഗിൽ രണ്ടാം സ്ഥാനത്ത് തുടരുകയാണ്.