ഏഷ്യൻ കപ്പ് ഫുട്ബോൾ; നോക്കൗട്ട് പ്രതീക്ഷകളുമായി ഇന്ത്യ ഇന്നിറങ്ങും

ദുബായ്: ഏഷ്യൻ കപ്പ് ഫുട്ബോളിൽ നോക്കൗട്ട് പ്രതീക്ഷകളുമായി ഇന്ത്യ ഇന്നിറങ്ങും. അവസാന ഗ്രൂപ്പ് മത്സരത്തിൽ ബെഹ്റൈനാണ് ഇന്ത്യയുടെ എതിരാളികൾ. മത്സരത്തിൽ സമനില നേടിയാലും ഇന്ത്യയ്‌ക്ക് പ്രീക്വാ‍ട്ട‍ർ ഉറപ്പിക്കാം. ഷാർജ സ്റ്റേഡിയത്തിൽ രാത്രി 9.30 നാണ് മത്സരം.

യുഎഇക്കെതിരെ തോറ്റെങ്കിലും ആദ്യമത്സരത്തിൽ തായ്​ലൻഡിനെ 4-1ന് തോൽപ്പിച്ചതിന്റെ ആത്മവിശ്വാസത്തിലാണ് ടീം ഇന്ത്യ ഇറങ്ങുന്നത്. ബഹ്റൈൻ അവരുടെ മികച്ച ഫോമിലല്ലാ എന്നത് ഇന്ത്യക്ക് കൂടുതൽ ആത്മവിശ്വാസം നൽകുന്നു. തായ്‌ലൻഡിനെതിരായ മത്സരം ഒരു ഗോളിന് തോറ്റപ്പോൾ, യുഎഇക്കെതിരായ മത്സരം സമനിലയായിരുന്നു.

ഗ്രൂപ്പിൽ നിലവിൽ രണ്ടാം സ്ഥാനത്താണ് ഇന്ത്യൻ ടീം. ഇന്നത്തെ മത്സരത്തിന്റെ ഫലമാകും ഇന്ത്യയുടെ നോക്കൗട്ട് യോഗ്യത നിർണയിക്കുക. ഇന്ന് തോറ്റാൽ ഇന്ത്യ പുറത്താകും എന്നാൽ  ജയം ടീമിനെ അവസാന പതിനാറിലേക്ക് നയിക്കും.

ഇന്ത്യക്ക് അവസാന പതിനാറിലേക്കു പ്രവേശിക്കാനുള്ള മൂന്നു സാഹചര്യങ്ങളാണ് നിലവിലുള്ളത്.

1. ഇന്ത്യയുടെ ബഹ്റൈനെതിരായ ജയം.

ബഹറിനെതിരെ ഇന്ത്യക്കു ജയിക്കാനായാൽ ഇന്ത്യക്കു മൂന്നുപോയിന്റുകൾ ലഭിക്കും. തായ്‌ലൻഡിന്റേയും യുഎഇയുടെയും മത്സര ഫലം എന്ത് തന്നെയായാലും ബാധിക്കില്ല. ആ മത്സരത്തിൽ യുഎഇ വിജയം നേടിയാൽ ഏഴു പോയിന്റുകളോട് കൂടി യുഎഇ ഒന്നാം സ്ഥാനത്തും ഇന്ത്യ രണ്ടാം സ്ഥാനത്തും തായ്‌ലൻഡ് മൂന്നാം സ്ഥാനത്തും ബഹ്റൈൻ അവസാനവും ആകും.

തായ്‌ലൻഡ് ആണ് വിജയിക്കുന്നതെങ്കിൽ ഇന്ത്യയും തായ്‌ലൻഡും ആറു പോയിന്റുകളോടെ ഒന്നാം സ്ഥാനം പങ്കിടും. സമനിലയാണെങ്കിൽ ഇന്ത്യക്ക് താഴെ രണ്ടാം സ്ഥാനത്ത് യുഎഇയുണ്ടാകും.

2. ഇന്ത്യ ബഹ്റൈനുമായി സമനിലയിലായാൽ

ഇന്ത്യയുടെ മാച്ച് സമനിലയിലാകുകയും യുഎഇ ബഹ്റൈനെതിരെ ജയിക്കുകയും ചെയ്താൽ യുഎഇ ഏഴ് പോയിന്റോടെ ഒന്നാം സ്ഥാനത്തും ഇന്ത്യ നാല് പോയിന്റോടെ രണ്ടാം സ്ഥാനത്തും തായ്‌ലൻഡ് മൂന്ന് പോയിന്റോടെ മൂന്നാം സ്ഥാനത്തും ബഹ്റൈൻ രണ്ട് പോയിന്റോടെ അവസാന സ്ഥാനത്തുമാകും.

യുഎഇ തായ്‌ലൻഡ് മത്സരം സമനിലയിൽ അവസാനിച്ചാൽ യുഎഇ അഞ്ച് പോയിന്റോടെ ഒന്നാമതും ഇന്ത്യയും തായ്‌ലൻഡും നാല് പോയിന്റുകൾ നേടും. ആദ്യമത്സരം നാലു ഗോളുകൾ നേടി ജയിച്ച സാഹചര്യത്തിൽ ഇന്ത്യക്ക് രണ്ടാം സ്ഥാനം നേടി നിലനിൽക്കാനാകും.
എന്നാൽ യുഎഇ തോറ്റാൽ കൂടുതൽ പോയിന്റുകളുമായി തായ്‌ലൻഡ് ഒന്നാം സ്ഥാനത്തും നാല് പോയിന്റുകളുമായി ഇന്ത്യയും യുഎഇയും നാലു പോയിന്റുകൾ വീതം നേടും. കഴിഞ്ഞ മാച്ച് രണ്ടു ഗോളുകൾക്ക് യുഎഇയുമായി തോറ്റ സാഹചര്യത്തിൽ ഇന്ത്യ നിർഭാഗ്യവശാൽ മൂന്നാം സ്ഥാനത്തേക്ക് തള്ളപ്പെടും.

3. ഇന്ത്യ ബഹറിനോട് പരാജയപ്പെട്ടാൽ

ബഹ്റൈനോട് ഇന്ത്യ പരാജയപ്പെട്ടാൽ മുമ്പോട്ട് പോകുവാനുള്ള ഇന്ത്യയുടെ സാധ്യത വിരളമാകും. ഇന്ത്യ ഇന്ന് ബഹ്റൈനെ നേരിടുമ്പോൾ യുഎഇ തായ്‌ലൻഡിനെ നേരിടും.