Health

ശരീരഭാരവും കൊഴുപ്പും കുറയ്ക്കാം; ഇവ ഇടനേരങ്ങളില്‍ ശീലമാക്കിക്കോളു

ന്യൂഡല്‍ഹി: ഇടനേരങ്ങളില്‍ എന്തെങ്കിലുമൊക്കെ കൊറിച്ചു കൊണ്ടിരിക്കുന്നത് എല്ലാവര്‍ക്കും വളരെ ഇഷ്ടമുള്ള കാര്യമാണ്. അത് ആരോഗ്യകരമായ രീതിയിലാണെങ്കിലോ, എല്ലാവര്‍ക്കും സന്തോഷം, അല്ലെ. ഒത്തിരി തിരക്കുള്ള അവസരങ്ങളില്‍ ഇത്തരം ചെറുഭക്ഷണങ്ങളില്‍ പലരും ഭക്ഷണം ഒതുക്കും. ഇവിടെ നമുക്ക് വളരെ ആരോഗ്യ പ്രദമായതും രുചികരവുമായ അഞ്ച് സ്‌നാക്കുകളെ പരിചയപ്പെടാം.ഈ ഭക്ഷണങ്ങളിലൂടെ ശരീര ഭാരം കുറക്കാനും അനാവശ്യമായി അടിഞ്ഞ് കൂടിയ കൊഴുപ്പ് കുറയ്ക്കാനും സാധിക്കും.

1. നട്‌സ്- വാള്‍നട്ട്, ആല്‍മണ്ട്, പീനട്ട്, പിസ്ത മുതലായവ അനാവശ്യ കൊഴുപ്പിനെ ഇല്ലാതാക്കാന്‍ സഹായിക്കും. പ്രോട്ടീനുകളുടേയും ഫൈബറുകളുടേയും ഒരു കലവറയാണ് നട്‌സ്. ശരീര ആരോഗ്യം പ്രദാനം ചെയ്യുന്നതിനും ആവശ്യമായ പോഷകങ്ങള്‍ ലഭിക്കുന്നതിനും ഇവ സഹായിക്കും.

2. റോസ്റ്റഡ് പനീര്‍ വിത്ത് ഫ്‌ളാക്‌സ് സീഡ്- ഭാരം കുറയ്ക്കണമെന്ന് ആഗ്രഹിച്ച് നടക്കുന്നവര്‍ക്ക് ഏറ്റവും അനുയോജ്യമായ ഒരു ഭക്ഷണമാണിത്. ധാരാളം പ്രോട്ടീന്‍ അടങ്ങിയിരിക്കുന്നതിനാല്‍ പനീര്‍ വിശപ്പിനെ ശമിപ്പിക്കുകയും, ഒമേഗ-3 ഫാറ്റി ആസിഡ് നിറഞ്ഞ ഫ്‌ളാക്‌സ് സീഡുകള്‍ അനാവശ്യ കൊഴുപ്പിനെ നശിപ്പിക്കുന്നു.

3. വറുത്ത കടല- ചിക്പീസ് അഥവ ചന എന്നറിയപ്പെടുന്ന കടലയില്‍ ധാരാളം വെെറ്റമിനുകളും മിനറല്‍സും അടങ്ങിയിട്ടുണ്ട്. പ്രോട്ടീനിന്റെയും ഫൈബറിന്റെയും കലവറയായ ചന വിശപ്പിനെ നമ്മുടെ നിയന്ത്രണത്തില്‍ കൊണ്ടു വരുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കുകയും ശരീരഭാരം കുറക്കാന്‍ സഹായിക്കുകയും ചെയ്യുന്നു.

4. മധുരക്കിഴങ്ങ് ചാട്ട്- നമ്മുടെ ആരോഗ്യത്തിനാവശ്യമായ വൈറ്റമിനുകളും മിനറലുകളും മധുരക്കിഴങ്ങില്‍ ധാരാളമായിട്ടുണ്ട്. വേവിച്ച മധുരക്കിഴങ്ങില്‍ നാരങ്ങ നീര്, ചാട്ട് മസാല, മല്ലിയില ചട്‌നി, ഉപ്പ്, മുളക് പൊടി, പച്ചമുളക്, പാപ്ഡി, മല്ലിയില എന്നിവ ചേര്‍ത്ത് ഉപയോഗിക്കാം.

5. പഴങ്ങള്‍- നിങ്ങള്‍ക്ക് ബെറീസും, ആപ്പിളും, പിയേഴ്‌സുമൊക്കെ ഇഷ്ടമാണോ, വൈറ്റമിന്‍, മിനറല്‍സ്, ആന്റി ഓക്‌സിഡന്റ്‌സ്, ഫൈബര്‍ എന്നിവ ചേരുന്ന പഴങ്ങള്‍ ശരീരഭാരം കുറയ്ക്കുന്നതിന് വളരെ സഹായകരമാണ്. പഴങ്ങള്‍ ഭാരം കുറയ്ക്കാന്‍ വളരെയധികം സഹായിക്കുമെന്ന് പഠനങ്ങള്‍ തെളിയിച്ചിട്ടുണ്ട്. അതുകൊണ്ട് വ്യത്യസ്തങ്ങളായ പഴങ്ങളും കഴിക്കുന്നത് ഒരു ശീലമാക്കിക്കോളു.

514 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close