Movie

ഭാരത് യെ രഹനാ ചാഹിയേ ; തരംഗമായി മണികർണികയിലെ ഗാനം

കങ്കണ റണാവത്ത് അഭിനയിക്കുന്ന മണികർണിക തീയറ്ററുകളിലെത്താനിരിക്കെ ചിത്രത്തിലെ ഗാനം സാമൂഹ്യ മാദ്ധ്യമങ്ങളിൽ തരംഗമാകുന്നു. മേ രഹൂം യ നാ രഹൂം ഭാരത് യെ രഹനാ ചാഹിയേ എന്ന ഗാനമാണ് പ്രേഷകർ നെഞ്ചേറ്റിയത്. ഒരു ദിവസത്തിനുള്ളിൽ ഏഴു ലക്ഷം വ്യൂസാണ് ഗാനത്തിന് യൂട്യൂബിൽ ലഭിച്ചത്.

ന്യൂഡൽഹിയിൽ നടന്ന ചടങ്ങിലാണ് വീഡിയോ പുറത്തിറക്കിയത്. പ്രത്യേക സെറ്റ് ഒരുക്കിയായിരുന്നു വീഡിയോ റിലീസിംഗ്. സിനിമയുടെ ആത്മാവാണ് ഈ ഗാനമെന്ന് കങ്കണ റാണാവത് പറഞ്ഞു. ചിത്രം നിര്‍മ്മിച്ചിരിക്കുന്നത് സീ സ്റ്റുഡിയോസും കമാല്‍ ജയിനും ചേര്‍ന്നാണ്. ശങ്കര്‍എസാന്‍ലോയി കൂട്ടുകെട്ടിന്റേതാണ് സംഗീതം. ചിത്രം ജനുവരി 25 ന് തിയേറ്ററുകളില്‍ എത്തും.

1857 ഒന്നാം സ്വാതന്ത്ര്യ സമരത്തിലെ മഹത്തായ ഒരേടാണ് ചിത്രത്തിന്റെ പ്രചോദനം . ബ്രിട്ടീഷുകാരെ ഞെട്ടിച്ച ഝാൻസിയിലെ റാണി ലക്ഷ്മീഭായിയാണ് ചിത്രത്തിലെ നായിക . മണികർണികയെന്നായിരുന്നു റാണിയുടെ യഥാർത്ഥ പേര് . ബ്രിട്ടീഷുകാരോട് ഉജ്ജ്വലമായി പൊരുതിയ റാണി ലക്ഷ്മീ ഭായി ഒടുവിൽ സ്വാതന്ത്ര്യസമരാഗ്നിയിൽ ജീവാഹുതി ചെയ്യുകയായിരുന്നു.

12K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close