UAE

ശൈത്യകാല അവധിക്ക് ശേഷം സ്‌കൂളുകൾ തുറന്നതോടെ വിദ്യാർത്ഥികളുടെ സുരക്ഷ ഉറപ്പുവരുത്താൻ ഗതാഗത നിയമങ്ങൾ കർശനമാക്കി അബുദാബി പോലീസ്.

കുട്ടികൾക്ക് ആവശ്യമായ സുരക്ഷ നൽകാതെ വാഹനമോടിക്കുന്നത് ഏറെ ഗൗരവത്തോടെയാണ് പോലീസ് നോക്കിക്കാണുന്നത്. കുട്ടികളുടെ സുരക്ഷക്ക്  വിഘാതമാവുന്ന നിയമലംഘനങ്ങൾക്ക് കനത്ത ശിക്ഷയാണ് ലഭിക്കുക.സ്കൂൾ ബസുകളിൽ നിന്ന് കുട്ടികൾ കയറുമ്പോഴും ഇറങ്ങുമ്പോഴും മറ്റ് വാഹനങ്ങൾക്ക് മുന്നറിയിപ്പ് നൽകുന്ന ‘സ്റ്റോപ്പ്‌ ’ ബോർഡ് കണ്ടാൽ വാഹനങ്ങൾ അഞ്ചു മീറ്റർ കുറയാത്ത അകലത്തിൽ നിർത്തണം.ഇതുലംഘിച്ചു വാഹനം മുന്നോട്ട് എടുക്കുന്നവർക്ക് 1000  ദിര്‍ഹം പിഴ നല്‍കേണ്ടിവരുന്നതിന് പുറമേ ലൈസൻസിൽ 10 ബ്ലാക് പോയന്റുകളും ലഭിക്കും.സ്കൂൾ ബസ് നിർത്തുമ്പോൾ സ്റ്റോപ്പ്‌ ബോർഡ് പ്രദർശിപ്പിച്ചില്ലെങ്കിൽ ഡ്രൈവർക്കും ശിക്ഷയുണ്ടാകും. 6  ബ്ലാക് പോയന്റുകൾ ലൈസൻസിൽ പതിക്കുന്നതിന് പുറമെ   500 ദിർഹം പിഴയായി ഈടാക്കും .സ്കൂളിന് സമീപമുള്ള റോഡുകളിലൂടെ അപകടകരമായ രീതിയിൽ വാഹനം ഓടിച്ചാൽ ശിക്ഷ 400 ദിർഹമായിരിക്കും .നിയമലംഘനങ്ങൾ കണ്ടെത്തുന്നതിനായി സ്കൂളുകൾക്ക് സമീപമുള്ള റോഡുകളിൽ പൊലീസ്‌ കർശന പരിശോധനയാണ് ഏർപ്പെടുത്തിയിരിക്കുന്നത്

0 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close