മെൽബൺ: ഓസ്ട്രേലിയൻ ഓപ്പൺ ടെന്നീസ് വനിതാ സിംഗിൾസിൽ വീണ്ടും അട്ടിമറി. ലോക ഒന്നാം നമ്പർ താരം റൊമേനിയയുടെ സിമോണ ഹാലപ്പ് ക്വാർട്ടർ കാണാതെ പുറത്ത്. മുൻ ചാമ്പ്യൻ സെറീന വില്യംസാണ് ഹാലപ്പിനെ പ്രീ ക്വാർട്ടറിൽ തോൽപ്പിച്ചത്. സ്കോർ 6 – 1, 4 – 6, 6 – 4.
നാലാം സീഡ് ജപ്പാന്റെ നവോമി ഒസാക്കയും ആറാം സീഡ് എലേന സ്വറ്റോലിന, ഏഴാം സീഡ് കരോലിന പ്ലിസ്കോവയും ക്വാർട്ടറിൽ എത്തി. അമേരിക്കയുടെ മാഡിസൺ കെയ്സിനെ തോൽപിച്ചാണ് സ്വറ്റോലിന ക്വാർട്ടറിലെത്തിയത്. സ്കോർ 6-2, 1-6,6-1. പതിമൂന്നാം സീഡ് സെവാസ്റ്റോവയെയാണ് ഒസാക്ക പരാജയപ്പെടുത്തിയത്.
