നേപ്പിയർ: ഇന്ത്യ – ന്യൂസിലൻഡ് ഏകദിന ക്രിക്കറ്റ് പരമ്പരയിലെ ആദ്യ മത്സരം നേപ്പിയറിൽ നടക്കും. ഓസ്ട്രേലിയയ്ക്കെതിരെ ടെസ്റ്റ് – ഏകദിന പരമ്പര നേടിയതിന്റെ ആത്മവിശ്വാസവുമായാണ് ഇന്ത്യ ഇറങ്ങുന്നത്.
ബാറ്റിംഗിന് അനുകൂലമായ വിക്കറ്റിൽ വിരാട് കോഹ്ലിയുടേയും രോഹിത് ശർമ്മയുടേയും മികച്ച ഫോം ഇന്ത്യയ്ക്ക് പ്രതീക്ഷ നൽകുന്നുണ്ട്. മെൽബണിൽ ഇന്ത്യയെ ജയത്തിലെത്തിച്ച ടീമിനെ ആദ്യ ഏകദിനത്തിൽ നിലനിർത്തിയേക്കും. ശ്രീലങ്കയ്ക്കെതിരെ ടെസ്റ്റ് – ഏകദിന പരമ്പര നേടിയതിന്റെ ആത്മവിശ്വാസത്തിലാണ് കിവീസ് ഇറങ്ങുന്നത്.
പരമ്പരയിൽ അഞ്ച് ഏകദിനങ്ങളും മൂന്ന് ട്വന്റി 20 മത്സരങ്ങളുമാണ് ഉള്ളത്.
