ദുബായ്: ഇന്ത്യൻ വനിതാ ക്രിക്കറ്റ് താരം സ്മൃതി മന്ഥന ഐസിസി റാങ്കിംഗിൽ ഒന്നാം സ്ഥാനത്ത്. ന്യൂസിലൻഡിനെതിരായ മൂന്ന് മത്സരങ്ങളുടെ ഏകദിന പരമ്പരയിലെ മികച്ച പ്രകടനമാണ് ഐസിസിയുടെ വനിതകളുടെ ബാറ്റിംഗ് റാങ്കിംഗിൽ സ്മൃതി മന്ഥനയെ മുന്നിൽ എത്തിച്ചത്.
ഓസ്ട്രേലിയൻ താരങ്ങളായ എലിസി പെറി, മെഗ് ലാനിംഗ് എന്നിവരെ മറികടന്നാണ് മന്ഥന ഒന്നാമതെത്തിയത്. ഇന്ത്യൻ ക്യാപ്റ്റൻ മിതാലി രാജ് അഞ്ചാം സ്ഥാനം നിലനിർത്തി. ബൗളിംഗിൽ ഇന്ത്യയുടെ പൂനം യാദവ്, ദീപ്തി ശർമ്മ എന്നിവർ യഥാക്രമം എട്ട്, ഒൻപത് സ്ഥാനങ്ങളിലുണ്ട്.