ഉറിക്ക് പിന്നാലെ രാജ്യസ്നേഹം പ്രമേയമാക്കി മറ്റൊരു ചരിത്ര സംഭവം കൂടി വെള്ളിത്തിരയിലെത്തുന്നു. 1897യില് നടന്ന സാരഗച്ഛി യുദ്ധം പ്രമേയമാക്കി കേസരി എന്ന ചിത്രമാണ് പുറത്തിറങ്ങുന്നത്. ചിത്രത്തിന്റെ ട്രയിലര് പുറത്തിങ്ങി. ദേശസ്നേഹം നിറഞ്ഞു നില്ക്കുന്ന ചിത്രത്തിന്റെ ട്രയിലറിന് മികച്ച പ്രതികരണമാണ് ലഭിക്കുന്നത്.
അക്ഷയ് കുമാറാണ് ചിത്രത്തില് കേന്ദ്ര കഥാപാത്രത്തെ അവതരിപ്പിക്കുന്നത്. ഹവില്ദാര് ഇഷാര് സിംഗായാണ് അക്ഷയ് കുമാര് ചിത്രത്തില് വേഷമിടുന്നത്.
ബ്രട്ടീഷ് ഇന്ത്യന് സൈനിക വിഭാഗത്തിലെ 21 സിഖ് സൈനികര് 10,000 ത്തോളം വരുന്ന അഫ്ഗാന് ഗോത്രവര്ഗ്ഗക്കാരെ നേരിട്ട കഥയാണ് ചിത്രം വരച്ചു കാട്ടുന്നത്.
ചിത്രത്തില് അക്ഷയ് കുമാറിന് പുറമെ മിര് സര്വര്, അശ്വത് ഭട്ട് , പരിനീതി ചോപ്ര എന്നിവരും പ്രധാന വേഷങ്ങളിലെത്തുന്നു. ചിത്രം സംവിധാനം ചെയ്തിരിക്കുന്നത് അനുരാഗ് സിംഗാണ്.
ചിത്രം മാര്ച്ച് 21 ന് തിയേറ്ററുകളിലെത്തും.