IndiaDefence

ഇന്ത്യയുടെ സുഖോയിയെ തടയാൻ ഇനി ചൈന പോലും വിയർക്കും ; കരുത്താകാൻ കൂടെയുള്ളത് അഞ്ച് ആധുനിക ബ്രഹ്മോസ് മിസൈലുകൾ

ന്യൂഡൽഹി : ഇന്ത്യയുടെ പോർവിമാനം സുഖോയ് 30 എം.കെ.ഐ പാകിസ്ഥാന്റെ പേടി സ്വപ്നമാണ്. സുഖോയ്ക്കൊപ്പം ആധുനിക ബ്രഹ്മോസ് കൂടി ചേർന്നാലോ അത് ചൈനയ്ക്ക് പോലും തടയാൻ കഴിയാത്ത കരുത്താകും. ഇന്ത്യൻ വ്യോമസേനയുടെ പുതിയ പദ്ധതി അനുസരിച്ച് സുഖോയിലും തേജസ്സിലും അത്യാധുനിക ബ്രഹ്മോസ് മിസൈൽ ഘടിപ്പിക്കാനാണ് തീരുമാനം.

ബ്രഹ്മോസ് മിസൈലിന്റെ നെക്സ്റ്റ് ജനറേഷൻ (എൻ.ജി) പതിപ്പാണ് സുഖോയിൽ ഘടിപ്പിക്കുക. ഇരു ചിറകുകളിൽ രണ്ട് വീതവും പോർ വിമാനത്തിനൊപ്പമുള്ള ചട്ടക്കൂടിൽ ഒരെണ്ണവുമായിരിക്കും ഘടിപ്പിക്കുക. ബ്രഹ്മോസിന്റെ ഭാരം കുറഞ്ഞ പതിപ്പാണ് ഘടിപ്പിക്കുന്നത്.മുന്നൂറു കിലോമീറ്റർ ദൂരപരിധിയുള്ള ഇതിന്റെ സ്പീഡ് 2..9 മാക്ക് മുതൽ 3.5 മാക്ക് വരെ ആയിരിക്കും.

ആദ്യം തേജസ്സിലാകും ബ്രഹ്മോസ് (എൻ.ജി) മിസൈൽ ഘടിപ്പിക്കുന്നത്. രണ്ട് ബ്രഹ്മോസ് മിസൈൽ ഘടിപ്പിച്ച തേജസ് വിമാനം ഈയടുത്ത് ബംഗളൂരുവിൽ നടന്ന എയ്റോഷോയിൽ പ്രദർശിപ്പിച്ചിരുന്നു. നിലവിൽ പരീക്ഷണ അവസ്ഥയിലാണ് മിസൈൽ. റഷ്യയും ഇന്ത്യയും സംയുക്തമായി നിർമ്മിക്കുന്ന ബ്രഹ്മോസ് മിസൈലിന്റെ എൻ.ജി പതിപ്പ് കൂടുതലും മേക്ക് ഇൻ ഇന്ത്യയായിരിക്കുമെന്ന് ബ്രഹ്മോസ് എം.ഡി സുധീർ മിശ്ര വ്യക്തമാക്കി. ഇതിന്റെ നിർമ്മാണത്തിനുള്ള രൂപകൽപ്പനയും സാങ്കേതിക കൂട്ടിയോജിപ്പിക്കലിന്റെയും പണിപ്പുരയിലാണ് ഡി.ആർ.ഡി.ഒ

സാധാരണ ബ്രഹ്മോസിന്റെ പകുതി വിലയേ നെക്സ്റ്റ് ജനറേഷനുള്ളൂ. പോർ വിമാനങ്ങളിൽ ഘടിപ്പിച്ചാൽ ശത്രുവിന്റെ വ്യോമ റഡാർ സംവിധാനങ്ങളുള്ള വിമാനങ്ങളെ നശിപ്പിക്കാൻ കഴിയും.മറ്റ് ലക്ഷ്യങ്ങൾ ഇന്ധനം പകരുന്ന വിമാനങ്ങളും സൈനിക യാത്ര വിമാനങ്ങളുമാണ്.300 കിലോമീറ്റർ ദൂരപരിധിയുള്ളതിനാൽ കാണാൻ കഴിയുന്നതിനപ്പുറം നിന്ന് വിക്ഷേപിക്കാൻ കഴിയുമെന്നതും മറ്റൊരു പ്രത്യേകതയാണ്.പോർ വിമാനങ്ങളിൽ നിന്ന് മാത്രമല്ല അന്തർവാഹിനികളിൽ നിന്നും ഇത് വിക്ഷേപിക്കാൻ കഴിയും.

ഇന്ത്യയുടെ ഏറ്റവും കരുത്തനായ പോർവിമാനമായ സുഖോയ്ക്കൊപ്പം ലോകത്തെ ഏറ്റവും ശക്തിയുള്ള മിസൈലുകളിലൊന്നായ ബ്രഹ്മോസ് കൂടീ കൂട്ടിനെത്തിയാൽ പാകിസ്ഥാൻ മാത്രമല്ല ചൈനയും വിയർക്കുമെന്നാണ് നിരീക്ഷണം.

8K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close