Life

വേനല്‍ക്കാലത്തെ ബൈക്ക് യാത്ര; സ്വീകരിക്കേണ്ട മുന്‍കരുതലുകള്‍

 

വേനല്‍ ചൂടില്‍ വളരെയധികം ബുദ്ധിമുട്ടനുഭവിക്കുന്നവരാണ് ബൈക്ക് യാത്രികര്‍. വെയിലത്ത് ബൈക്കില്‍ യാത്ര ചെയ്യുന്നവര്‍ ഇക്കാര്യങ്ങള്‍ ശ്രദ്ധിക്കേണ്ടത് അത്യാവശ്യമാണ്. വെയിലത്ത് ബൈക്ക് ഓടിക്കുന്നവരുടെ കൈകള്‍ വെയിലേറ്റ് കരുവാളിക്കുന്നത് സാധാരണയാണ്. ഇളംനിറത്തിലുള്ള പ്രൊട്ടക്ഷന്‍ ഗ്ലൗസുകള്‍ ധരിക്കുന്നതു വഴി ഇതൊഴിവാക്കാന്‍ സാധിക്കും.

ഒരു തുണികൊണ്ട് തല നന്നായി മൂടിക്കെട്ടിയതിനു ശേഷം ഹെല്‍മെറ്റ് ധരിച്ചാല്‍ വിയര്‍പ്പും ചൂടും തലയില്‍ തങ്ങി നില്‍ക്കില്ല. മുടികൊഴിയാതിരിക്കാനും ഈ മാര്‍ഗം ഫലപ്രദമാണ്. ദിവസവും ഈ തുണി കഴുകി ഉണക്കി വേണം ഉപയോഗിക്കാന്‍.കണ്ണിന് ചൂടേല്‍ക്കാതിരിക്കാന്‍ സണ്‍ഗ്ലാസ് ഉപയോഗിക്കുക.

ഇളം നിറത്തിലുള്ള പരുത്തി വസ്ത്രങ്ങള്‍ മാത്രം ധരിക്കുക. കറുപ്പ്, ചുവപ്പ് തുടങ്ങിയ കടുത്ത നിറങ്ങള്‍ ഉപയോഗിക്കാതിരിക്കുക. യാത്രക്കിടയില്‍ വെള്ളം കുടിക്കാന്‍ ശ്രദ്ധിക്കുക. പുറത്തേക്ക് പോകുമ്പോള്‍ സണ്‍സ്‌ക്രീനുകള്‍ ഉപയോഗിക്കുക. കുട്ടികള്‍, ഗര്‍ഭിണികള്‍, പ്രായാധിക്യമുള്ളവര്‍ എന്നിവര്‍ ബൈക്ക് യാത്രകള്‍ ഒഴിവാക്കുക.

ശരീരത്തിലെവിടെയെങ്കിലും പൊള്ളലേറ്റാല്‍ തൊടുകയോ പൊട്ടിക്കുകയോ ചെയ്യാതെ ഡോക്ടറുടെ നിര്‍ദ്ദേശപ്രകാരം ലേപനങ്ങള്‍ പുരട്ടുക. ജലാംശം കൂടുതലുള്ള പഴങ്ങളും പച്ചക്കറികളും കൂടുതലായി കഴിക്കുക. ഉപ്പ്‌ചേര്‍ത്ത പാനീയങ്ങള്‍ കുടിക്കുക. കഴിവതും ഉച്ചസമയത്തെ യാത്രകള്‍ ഒഴിവാക്കുക.

3 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close