Health

ജീവിത ശൈലിയിലെ മാറ്റങ്ങള്‍ പ്രമേഹത്തിന് കാരണമാകുന്നു

ഇന്ന് വളരെ സാധരണമായി കാണുന്ന ഒരു രോഗമാണ് പ്രമേഹം. 40-50 വയസ്സിന് ഇടയില്‍ ഉള്ളവര്‍ക്കാണ് പ്രമേഹം അധികമായി കാണുന്നത്. ലോകാരോഗ്യ സംഘടനയുടെ കണക്കനുസരിച്ച് അടുത്ത പത്ത് വര്‍ഷത്തിനുള്ളില്‍ പ്രമേഹ രോഗികളുടെ എണ്ണത്തില്‍ അന്‍പത് ശതമാനത്തോളം വര്‍ദ്ധനവ് ഉണ്ടാകുമെന്ന് കണക്കാക്കുന്നു. ഇന്‍സുലിന്‍ ഹോര്‍മോണിന്റെ ഉല്‍പാദന കുറവുകൊണ്ടോ അല്ലെങ്കില്‍ ഉല്‍പാദിപ്പിക്കപ്പെടുന്ന ഇന്‍സുലിന്റെ പ്രവര്‍ത്തനശേഷിക്കുറവുകൊണ്ടോ രക്തത്തിലെ ഗ്ലുക്കോസിന്റെ അളവ് ക്രമാതീതമായി വര്‍ധിക്കുന്നതാണ് പ്രമേഹം. മുമ്പ് പ്രായമായവരിലാണ് പ്രമേഹം കൂടുതല്‍ കാണപ്പെട്ടത് എന്നാല്‍ ഇന്ന് അത് കൗമാരക്കാരിലും കാണപ്പെടുന്നു. ജീവിതശൈലിയില്‍ വന്ന മാറ്റങ്ങളാണ്് പ്രമേഹത്തിന് കാരണമാകുന്നത്. നിത്യേനെയുള്ള വ്യായാമം രോഗത്തെ നിയന്ത്രിക്കാന്‍ സഹായിക്കും.

വര്‍ദ്ധിക്കുന്ന ദാഹം: പ്രമേഹമുള്ളവര്‍ക്ക് എപ്പോഴും ദാഹം തോന്നും. ശരീരത്തില്‍ നിന്ന് ജലാംശം നഷ്ടപ്പെടുന്നതിനാലാണ് ദാഹം വര്‍ദ്ധിക്കുന്നത്. അമിതമായ ദാഹവും, മൂത്രമൊഴിക്കലും പ്രമേഹത്തിന്റെ സൂചനയാണ്.

Loading...

ക്ഷീണം: ശരീരത്തിന് ആവശ്യമായ ഊര്‍ജ്ജം ലഭിക്കാതെ വരുമ്പോള്‍ കടുത്ത ക്ഷീണം അനുഭവപ്പെടും. ഇന്‍സുലിന്‍ ഇല്ലാത്തതിനാല്‍ രക്തത്തില്‍ നിന്ന് ഗ്ലൂക്കോസിന്റെ അളവ് കുറയുകയും അമിതമായി ക്ഷീണം അനുഭവപ്പെടുകയും ചെയ്യുന്നു.

കൈ കാലുകളിലെ തരിപ്പ്: രക്തത്തിലെ അമിതമായ പഞ്ചസാരയുടെ അളവിലെ കുറവ് കൈ കാലുകളില്‍ തരിപ്പ് ഉണ്ടാക്കുന്നു. പ്രമേഹം കണ്ടെത്തപ്പെടാതിരുന്നാല്‍ കൈവിരലുകള്‍ക്ക് സ്പര്‍ശന ശേഷിയും നഷ്ടപ്പെടാം.

മുറിവുകള്‍ ഉണങ്ങാന്‍ താമസം: പ്രമേഹത്തിന്റെ ഏറ്റവും സാധാരണമായി കാണുന്നതാണ് മുറിവുകളും, ചതവുകളും ഉണങ്ങാനുള്ള താമസം. രക്തത്തിലെ പഞ്ചസാരയുടെ അളവ് കൂടുന്നതിലൂടെ ശരീരത്തിന്റെ പ്രതിരോധ ശേഷി കുറയുന്നു. ജലാംശത്തിന്റെ അളവ് കുറയുന്നതും മുറിവുകള്‍ ഉണങ്ങാന്‍ വൈകിപ്പിക്കും.

അമിതമായ വിശപ്പ്: അമിതമായ വിശപ്പ് അനുഭവപ്പെടുന്നുണ്ടെങ്കില്‍ അത് പ്രമേഹത്തിന്റെ ലക്ഷണങ്ങളാണ്.

1 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close