Health

മനസ് തുറന്ന് ചിരിക്കാം; ആരോഗ്യം നേടാം

 

തിരക്കേറിയ ജീവിതത്തില്‍ ചിരിക്കാന്‍ പോലും മറന്നു പോയൊരു സമൂഹത്തിലാണ് നാമിന്ന് ജീവിക്കുന്നത്. നല്ല ചിരി സൗന്ദര്യത്തിന്റേയും ആരോഗ്യത്തിന്റേയും ലക്ഷണമാണ്. മുഖത്ത് വിരിയുന്ന ചിരി തന്നെയാണ് ഏറ്റവും നല്ല മരുന്നും. ആരോഗ്യപ്രദമായ ജീവിതത്തിന് ചിരി അത്യാവശ്യമെന്ന് പറയാനുളള കാരണങ്ങള്‍ ഇവയാണ്.

Loading...

ഹൃദ്രോഗം തടയും

ചിരി ഹൃദ്രോഗം തടയുമെന്ന് പഠനങ്ങള്‍ സൂചിപ്പിക്കുന്നു. ചിരി ഹൃദയത്തിലേക്കുളള രക്തയോട്ടം കൂട്ടുകയും ഹൃദ്രോഗ സാധ്യത 40 ശതമാനം വരെ കുറക്കുമെന്നുമാണ് പഠനങ്ങള്‍ തെളിയിക്കുന്നത്.

ഭാരം കുറയ്ക്കും

ജങ്ക് ഫുഡിനോടും ചോക്ലേറ്റിനോടുമൊക്കെ താല്‍പര്യമുള്ളവരാണ് നമ്മളില്‍ പലരും. ഇത് ശരീരത്തിന്റെ ഭാരം കൂട്ടും. എന്നാല്‍ ചിരിക്കുമ്പോള്‍ തലച്ചോറില്‍ നിന്നും ഉണ്ടാവുന്ന രാസവസ്തു നമ്മുടെ ശരീര ഭാരം കുറയ്ക്കാന്‍ സഹായിക്കുമെന്നും പഠനങ്ങള്‍ വ്യക്തമാക്കുന്നു. കൂടാതെ ചിരിക്കുമ്പോള്‍ ശരീരം പ്രവര്‍ത്തിക്കുകയും ഇതുവഴി വയര്‍ കുറയുകയും ചെയ്യുന്നു.

സമ്മര്‍ദം കുറയ്ക്കും

ചിരി മനുഷ്യനിലെ മാനസിക സമ്മര്‍ദത്തെ കുറയ്ക്കുകയും ശരിയായ രീതിയില്‍ രക്തയോട്ടം നടത്തുകയും ചെയ്യുന്നു.

ഉറക്കം കൂട്ടും

ഉറക്ക കുറവ് പലരുടേയും പ്രശ്‌നമാണ്. ചിരി ഉറക്കം കൂട്ടാന്‍ സഹായിക്കും. ഉറക്ക കുറവ് മൂലമുണ്ടാകുന്ന പല രോഗങ്ങളില്‍ നിന്നും ആശ്വാസം നേടാന്‍ ചിരിയിലൂടെ സാധിക്കും.

മുഖസൗന്ദര്യം വര്‍ദ്ധിക്കും

ചിരി ആരോഗ്യത്തിന് മാത്രമല്ല സൗന്ദര്യത്തിനും നല്ലതാണ്. ചെറുപ്പം നിലനിര്‍ത്താനും ചര്‍മ കാന്തി വര്‍ദ്ധിപ്പിക്കാനും ചിരി സഹായിക്കും.

2 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close