UAE

അവസാനിക്കാത്ത വിഷു ആഘോഷങ്ങളുമായി അബുദാബിയിലെ പ്രവാസി മലയാളികൾ.

പ്രവാസികളുടെ  വിഷു ആഘോഷം വിഷു ദിനം കൊണ്ട് അവസാനിക്കുന്നതല്ല. വിവിധ മലയാളി സംഘടനകളുടെയും കൂട്ടായ്മകളുടെയും നേതൃത്വത്തിൽ സംഘടിപ്പിക്കുന്ന വിഷു ആഘോഷങ്ങൾ ആഴ്ചകളും മാസങ്ങളും നീളുന്നതാണ്.

അബുദാബി മലയാളീ അറബ് കൾച്ചറൽ സൊസൈറ്റിയുടെ  ആഭിമുഖ്യത്തിൽ വിപുലമായ പരിപാടികളോടെ വിഷു ആഘോഷം സംഘടിപ്പിച്ചു.  ഇന്ത്യ സോഷ്യൽ സെന്ററിൽ നടന്ന  ആഘോഷത്തിൽ  സാംസ്കാരിക, വാണിജ്യ രംഗത്തെ പ്രമുഖരടക്കം നൂറുകണക്കിന് പേരാണ് പങ്കെടുത്തത്.

ചടങ്ങിൽ ജനം ടി.വി. മാനേജിങ് ഡയറക്ടർ  പി വിശ്വരൂപനെ ആദരിച്ചു. മാക്സ് കുടുബംഗങ്ങളുടെ  കലാപരിപാടികൾ ആഘോഷങ്ങൾക്ക് മാറ്റ് കൂട്ടി.

മുസഫ ആർട്സ് സൊസൈറ്റിയുടെ നേതൃത്വത്തിൽ വിഷു ആഘോഷം സംഘടിപ്പിച്ചു.കണിദർശനവും, കുട്ടികളുടെ കലാപരിപാടികളുമൊക്കെയായി  വിപുലമായ രീതിയിലായിരുന്നു ഇത്തവണത്തെ ആഘോഷം. അബുദാബി മലയാളീ സമാജത്തിൽ നടന്ന പരിപാടിയിൽ  തനത് രീതിയിലുള്ള വിഷു സദ്യയും ആഘോഷങ്ങളുടെ ഭാഗമായി ഒരുക്കിയിരുന്നു.

6 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close