Health

ഇനി വായ്പ്പുണ്ണിനെ പേടിക്കേണ്ട; ചില പൊടിക്കൈകള്‍ പരിചയപ്പെടാം

എരിവും പുളിയുമുള്ള ഭക്ഷണം ഇഷ്ടപ്പെടുന്നവരുടെ പേടിസ്വപ്നമാണ് വായ്പ്പുണ്ണ് അഥവാ മൗത്ത് അള്‍സര്‍. വായ്പ്പുണ്ണ് വന്നാല്‍ പലപ്പോഴും നമുക്ക് ഇഷ്ടമുള്ള ഭക്ഷണസാധനങ്ങള്‍ കഴിക്കാന്‍ സാധിക്കാതെ വരും. ആവശ്യമായ ചികിത്സ നല്‍കിയില്ലെങ്കില്‍ ചെറിയ വേദന വലുതായി മാറും. ചുണ്ടിലും, മോണയിലും, നാവിലുമാണ് വായ്പ്പുണ്ണ് ബാധിക്കാറുള്ളത്. ഈ സമയങ്ങളില്‍ വളരെ ശ്രദ്ധയോടെ വേണം ഭക്ഷണങ്ങള്‍ കഴിക്കാന്‍. അല്ലാത്ത പക്ഷം വായ്ക്കുള്ളില്‍ വലിയ നീറ്റലായിരിക്കും അനുഭവപ്പെടുക. ഒന്നു ശ്രദ്ധിച്ചാല്‍ ഈ കുഞ്ഞ് അസുഖത്തെ വളരെ വേഗം തന്നെ ഒഴിവാക്കാന്‍ സാധിക്കും. അതിനായി ചില പൊടിക്കൈകള്‍ നമുക്ക് പരീക്ഷിക്കാം.

തുളസി:

തുളസി ഏറെ ഔഷധ ഗുണങ്ങളുള്ള ഒരു സസ്യമാണ്. വായ്പ്പുണ്ണിനെ ഒഴിവാക്കാന്‍ ഇത് നമ്മെ സഹായിക്കും. തുളസി ഇലകള്‍ എടുത്ത് വൃത്തിയായി കഴുകി ദിവസവും കഴിക്കുന്നത് നല്ലതാണ്. തുളസി ഇല കഴിച്ചതിന് ശേഷം കുറച്ചു വെള്ളവും കുടിക്കുക.

തക്കാളി:

ദിവസവും തക്കാളി കഴിക്കുന്നത് നല്ലതാണ്. വായ്പ്പുണ്ണ് മാറാന്‍ നല്ലൊരു പരിഹാര മാര്‍ഗമാണിത്. തക്കാളിയുടെ ജ്യൂസ് കുടിക്കുന്നതും നല്ലതാണ്.

ഉലുവ:

ഉലുവയില്‍ ധാരാളം പോഷകങ്ങള്‍ അടങ്ങിയിട്ടുണ്ട്. ഇത് വേദന ശമിപ്പിക്കാന്‍ സഹായിക്കും. ഉലുവയില വെള്ളത്തില്‍ ഇട്ട് തിളപ്പിച്ച് ദിവസവും മൂന്ന് നാലുനേരം ഗാര്‍ഗിള്‍ ചെയ്യുന്നത് നല്ലതാണ്.

മഞ്ഞള്‍:

വേദന കുറയ്ക്കാന്‍ നല്ലൊരു പ്രതിവിധിയാണ് മഞ്ഞള്‍. ഭക്ഷണങ്ങളില്‍ മഞ്ഞള്‍ ചേര്‍ത്ത് കഴിക്കുന്നതിലും നല്ലത് മഞ്ഞളില്‍ ഒന്നോ രണ്ടോ തുള്ളി ഗ്ലിസറിന്‍ ചേര്‍ത്ത് നേരിട്ട് വേദനയുള്ളയിടത്ത് വയ്ക്കുന്നതാണ്.

തേങ്ങാ പാല്‍ അല്ലെങ്കില്‍ വെളിച്ചെണ്ണ:

വേദനയുള്ള സ്ഥലത്ത് തേങ്ങാ പാല്‍ അല്ലെങ്കില്‍ വെളിച്ചെണ്ണ വെച്ച് മസ്സാജ് ചെയ്ത് കുറച്ച് സമയത്തിന് ശേഷം കഴുകി കളയുക. ഇത് മൗത്ത് അള്‍സര്‍ വേഗം ശമിക്കാന്‍ സഹായിക്കും.

716 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close