മാറുന്ന ഫാഷന് യുവതലമുറയുടെ ഹരമാണ് . ട്രന്റിയായിട്ടുള്ള വസ്ത്രങ്ങള്, അതിനു ചേരുന്ന ചെരിപ്പുകള് എന്നിവ എക്കാലത്തും ആകര്ഷണീയം തന്നെ. അതില് തന്നെ ഹൈഹീല്ഡ് ചെരിപ്പുകളോടാണ് മിക്കവര്ക്കും പ്രിയം. എന്നാല് അതിനൊരു മറുവശമുണ്ട്, ആരോഗ്യ സംരക്ഷണത്തിന്റെ വശം.
സ്ഥിരമായി ഹൈഹീല് ചെരുപ്പുകള് ഉപയോഗിക്കുന്നവര്ക്ക് നിരവധി ആരോഗ്യ പ്രശ്നങ്ങള് ഉണ്ടാകുന്നു. ഇങ്ങനെയുള്ളവര്ക്കിടയില് ഓസ്റ്റിയോ ആര്ത്രൈറ്റിസ് അഥവാ തേയ്മാനം പോലുള്ളവ ഉണ്ടാകുന്നു. സന്ധികള്ക്ക് ഉണ്ടാകുന്ന വേദനയും കാലിനുണ്ടാകുന്ന വീക്കവും ഓസ്റ്റിയോ ആര്ത്രൈറ്റിസിന്റെ പ്രധാന ലക്ഷണങ്ങളാണ്. സ്ഥിരമായി ഹൈഹീല് ചെരുപ്പുകള് ഉപയോഗിക്കുന്നവര്ക്ക് എല്ലുകളില് ക്ഷതമുണ്ടാകുകയും സന്ധിവാതത്തിന് കാരണമാകുകയും ചെയ്യുന്നു. നാല്പ്പത് വയസിന് മുകളില് പ്രായമുള്ള സ്ത്രീകള് ഹൈഹീല്ഡ് ചെരുപ്പുകള് തുടര്ച്ചയായി ഉപയോഗിക്കുന്നത് ഗുരുതരമായ ആരോഗ്യപ്രശ്നങ്ങള്ക്ക് കാരണമാകുന്നു.
ഹൈഹീല്ഡ് ചെരുപ്പുകള് ഉപയോഗിക്കുന്നതുവഴി നടുവേദന ഉണ്ടാകാനുള്ള സാധ്യത കൂടുതലാണ്. ഹൈഹീല്ഡ് ചെരുപ്പുകളുടെ ഉപയോഗം മൂലം കാല് പാദങ്ങളിലെ എല്ലുകളില് ഭാരം വര്ധിക്കുകയും അത് വിട്ടുമാറാത്ത മുട്ടുവേദനയ്ക്കും, നടുവേദനയ്ക്കും കാരണമാകുന്നു. ഹൈഹീല്ഡ് ചെരുപ്പുകള് പൂര്ണ്ണമായും ഒഴിവാക്കി പ്ലെയിന്ഹീല് ചെരുപ്പുകള് ഉപയോഗിക്കുന്നതാണ് ആരോഗ്യത്തിന് നല്ലത്.
