Health

ചർമ്മ സൗന്ദര്യം വർദ്ധിപ്പിക്കും ; ശരീര ഭാരം കുറയ്ക്കും ; ഇളനീർ ശീലമാക്കൂ

പ്രകൃതിയിലെ ഏറ്റവും ശുദ്ധമായ പാനീയമാണ് കരിക്കില്‍ വെള്ളം. ക്ഷീണമകറ്റാനും ഉന്‍മേഷം വര്‍ദ്ധിപ്പിക്കാനും കരിക്കിന്‍ വെള്ളത്തോളം മികച്ച പാനീയം വേറൊന്നില്ല. ചര്‍മ്മ സൗന്ദര്യം വര്‍ദ്ധിപ്പിക്കാനും ആരോഗ്യസംരക്ഷണത്തിനും ദിവസവും ഇളനീര്‍ ശീലമാക്കുന്നത് നല്ലതാണ്.

ശരീരഭാരം കുറയ്ക്കാനും ഹൃദയാരോഗ്യം സംരക്ഷിക്കുന്നതിനും കരിക്കിന്‍ വെള്ളം ഉത്തമമാണ്. നിര്‍ജലീകരണം തടയുന്നതിനും മൂത്രാശയ രോഗങ്ങള്‍ ഇല്ലാതാക്കാനും കരിക്കിന്‍ വെള്ളം ശീലമാക്കുന്നതിലൂടെ സാധ്യമാകുന്നു. കരിക്കിന്‍ വെള്ളത്തിലടങ്ങിയിരിക്കുന്ന ഇലക്ട്രോലൈറ്റുകള്‍ രക്തസമ്മര്‍ദ്ദം കുറയ്ക്കുകയും ഹൃദയാരോഗ്യം സംരക്ഷിക്കുകയും ചെയ്യുന്നു.

ആന്റിഓക്സിഡന്റുകളാലും ലവണങ്ങളാലും സമ്പന്നമായ ഇളനീര്‍ രോഗപ്രതിരോധശേഷി വര്‍ദ്ധിപ്പിക്കുകയും അണുക്കളെ നശിപ്പിക്കുകയും ചെയ്യുന്നു. പൊട്ടാസ്യം ധാരാളം അടങ്ങിയിട്ടുള്ള ഇളനീര്‍ കിഡ്നി സ്റ്റോണ്‍ അലിയിച്ചു കളയാനും വൃക്കകള്‍ക്ക് ഉണ്ടാകുന്ന തകരാറുകള്‍ കുറയ്ക്കാനും സഹായിക്കുന്നു.

കരിക്കിന്‍ വെള്ളത്തില്‍ അടങ്ങിയിട്ടുള്ള മഗ്‌നീഷ്യം മൈഗ്രേന്‍ അകറ്റുന്നു. ഗര്‍ഭിണികള്‍ ദിവസേന കരിക്കിന്‍ വെള്ളം ശീലമാക്കുന്നത് ഗര്‍ഭകാലത്തെ ശരീരഭാരം നിയന്ത്രിച്ചു നിര്‍ത്തുകയും ശരീരത്തിനാവശ്യമായ ഘടകങ്ങള്‍ ലഭ്യമാക്കുകയും ചെയ്യുന്നു.

കാന്‍സര്‍ കോശങ്ങളുടെ വളര്‍ച്ച തടയാനും ഇളനീര്‍ സഹായിക്കുന്നു. നാരുകളാന്‍ സമ്പന്നമായ കരിക്കിന്‍ വെള്ളം ദഹനപ്രക്രിയ സുഗമമാക്കുകയും വയറിന്റെ ആരോഗ്യം സംരക്ഷിക്കുകയും ചെയ്യുന്നു. ഇളനീരിലെ അമിനോ ആസിഡുകള്‍ ഇന്‍സുലിന്‍ ഇന്‍സെന്‍സിറ്റിവിറ്റി നിയന്ത്രിക്കുകയും പ്രമേഹം കുറയ്ക്കുകയും ചെയ്യുന്നു.

381 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close