ഇംഗ്ലീഷ് പ്രീമിയർ ലീഗ് ഫുട്ബോൾ കിരീടം നിലനിർത്തി മാഞ്ചസ്റ്റർ സിറ്റി. നിർണായക മത്സരത്തിൽ ബ്രൈട്ടനെ ഒന്നിനെതിരെ നാലു ഗോളുകൾക്ക് കീഴടക്കിയാണ് സിറ്റി കിരീടം നിലനിർത്തിയത്. 38 മത്സരങ്ങളിൽ നിന്നും 98 പോയിന്റുമായാണ് ഇംഗ്ലീഷ് ലീഗിൽ സിറ്റി ആറാം കിരീടം സ്വന്തമാക്കിയത്.
1992 ൽ പ്രീമിയർ ലീഗ് രൂപം കൊണ്ട ശേഷം സിറ്റിയുടെ നാലാം കിരീടനേട്ടമാണിത്. വൂൾസ്വ്സിനെ ലിവർപൂൾ കീഴടക്കിയെങ്കിലും ഒരു പോയിന്റ് വ്യത്യാസത്തിൽ കിരീടം നഷ്ടമായി. 38 മത്സരങ്ങളിൽ നിന്നും ലിവർപൂൾ 97 പോയിന്റ് നേടി. ഒരു ഗോളിന് പിന്നിട്ട് നിന്ന ശേഷമാണ് സിറ്റി ജയം നേടിയത്.
സെർജിയോ അഗ്യൂറോ, അയ്മെറിക് ലപോർട്ടെ, റിയാദ് മെഹ്റസ്, ഇൽകേ ഗുൻഡോഗൻ എന്നിവർ സിറ്റിക്കായി ഗോൾ നേടി.