Defence

പാരാ കമാൻഡോസ്,ഗരുഡ്,മാർകോസ് , ഇന്ത്യയുടെ അത്യന്തം അപകടകാരികളായ പോരാളികളുടെ മുഴുവൻ കരുത്തുമായി പുതിയ സേനാ വിഭാഗം വരുന്നു

ഇന്ത്യൻ സൈന്യത്തിന്റെ കരുത്ത് ലോകരാജ്യങ്ങൾ പലപ്പോഴായി കണ്ടറിഞ്ഞതാണ് . എന്നാൽ ഇപ്പോൾ ഇന്ത്യയുടെ കര,നാവിക,വ്യോമസേനകളുടെ മുഴുവൻ കരുത്തുമായി പ്രത്യേക സേനാ വിഭാഗം വരുന്നു .

പാകിസ്ഥാൻ ,ചൈന ഉൾപ്പെടെയുള്ള രാജ്യങ്ങളെ ലക്ഷ്യമിട്ട് ഇന്ത്യ സംയുക്ത സൈനിക വിഭാഗം രൂപീകരിക്കാൻ പദ്ധതികൾ ആരംഭിച്ചതായി സൈനിക വൃത്തങ്ങൾ സ്ഥിരീകരിച്ചു . ഇന്ത്യൻ സൈന്യത്തിനു കൂടുതൽ കരുത്തേകുന്ന പദ്ധതികളെ കുറിച്ച് പഠിക്കാൻ 2012 ൽ നിയോഗിക്കപ്പെട്ട നരേഷ് ചന്ദ്ര കമ്മിറ്റിയാണ് ഇത്തരത്തിൽ സംയുക്ത സൈനിക വിഭാഗത്തിന്റെ രൂപീകരണത്തെ കുറിച്ച് ശുപാർശ ചെയ്തിരുന്നത് .

എന്നാൽ കമ്മിറ്റി നൽകിയ റിപ്പോർട്ട് നടപ്പാക്കാൻ അന്ന് അധികാരത്തിലിരുന്ന യു പി എ സർക്കാർ തയ്യാറായില്ല . പദ്ധതി ഫലപ്രദമായി നടപ്പാക്കിയിരുന്നെങ്കിൽ പാക് തീവ്രവാദികൾ ഇന്ത്യയിൽ നടത്തിയ പല ആക്രമണങ്ങളും ഒഴിവാക്കാമായിരുന്നുവെന്നതും എടുത്തു പറയേണ്ടതാണ് .

എൻ ഡി എ സർക്കാർ അധികാരത്തിലേറിയതിനു ശേഷം മോദി മൂന്നു സേനാ തലവന്മാരുമായി ഇതു സംബന്ധിച്ച് ചർച്ച നടത്തിയിരുന്നു . പാരാ കമാൻഡോസിനാകും ഇതിന്റെ നേതൃ ചുമതല . നിയമനം അടക്കമുള്ള കാര്യങ്ങളിലെ നടപടികൾ തുടങ്ങിക്കഴിഞ്ഞു .

ഇന്ത്യൻ ആർമിയിലെ അത്യന്തം അപകടകാരികളായ പോരാളികൾ എന്നറിയപ്പെടുന്ന ഇന്ത്യൻ കരസേനയുടെ പാരാ കമാൻഡോസ് , ആകാശ തന്ത്രങ്ങളാൽ എതിരാളികളെ വിറപ്പിച്ച ഇന്ത്യൻ വ്യോമസേനയുടെ ഗരുഡ് കമാൻഡോസ്,ശത്രു സൈന്യത്തിന്റെ കപ്പലിൽ പോലും ബോംബ് ഘടിപ്പിക്കാൻ കഴിവുള്ള ഇന്ത്യൻ നാവികസേനയുടെ മാർകോസ് എന്നിവരാകും പ്രത്യേക വിഭാഗത്തിൽ ഉണ്ടാകുക .

കര,നാവിക,വ്യോമ സേനകൾക്ക് പ്രത്യേകം വിഭാഗങ്ങൾ ഇതിൽ ഉണ്ടാകുമെങ്കിലും ആക്രമണങ്ങൾ നിശ്ചയിക്കുന്നത് മൂന്ന് സേനാവിഭാഗങ്ങളും ഒരുമിച്ചായിരിക്കും . തുടക്കത്തിൽ 200 സേനാ ഉദ്യോഗസ്ഥരുമായിട്ടാകും പ്രത്യേക സേന പ്രവർത്തനം ആരംഭിക്കുക . ക്രമേണ ഇത് 2000 ലേറെയായി വർധിപ്പിക്കും.

സംയുക്താ സേന വിഭാഗത്തിന്റെ രൂപീകരണം ഇന്ത്യ നടത്തുന്ന രഹസ്യ ഓപ്പറേഷനുകൾക്ക് കൂടുതൽ കരുത്തേകും.

3K Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close