Sports

1992 വരെ പലപേരുകൾ; അതിന് ശേഷം ഐസിസിയുടെ ലോകകപ്പ് ; അറിയാം ലോകകപ്പ് ട്രോഫിയുടെ വിശേഷങ്ങൾ

ലോകകപ്പിന് മാത്രമല്ല, ലോകകപ്പ് ട്രോഫിക്കും പറയാനുണ്ട് ഒട്ടേറെ കഥകൾ. ലോകകപ്പ് വിജയികൾക്ക് സമ്മാനിക്കുന്നതിനായി ഐസിസി ആദ്യമായി സ്ഥിരം ട്രോഫി അവതരിപ്പിക്കുന്നത് 1999ൽ ആണ്. അതിന് മുൻപ് സ്പോൺസർമാരുടെ പേരുകൾക്ക് അനുസരിച്ച് കപ്പിന്റെ പേരും രൂപവും മാറിയിരുന്നു.

ആദ്യ മൂന്ന് ലോകകപ്പുകളിലും പ്രുഡൻഷ്യൽ കപ്പായിരുന്നു. ഇംഗ്ലണ്ട് ആസ്ഥാനമായ പ്രുഡൻഷ്യലെന്ന കമ്പനിയായിരുന്നു സ്പോണ്‍സര്‍. 1975 ലും 1979 ലും വിൻഡീസ് ആയിരുന്നു കപ്പ് സ്വന്തമാക്കിയത്. 1983 ൽ കപിലും സംഘവുമായിരുന്നു അവസാനമായി പ്രുഡൻഷ്യൽ കപ്പ് ഉയർത്തിയത്. 1987 ൽ റിലയൻസ് കപ്പും, 1992 ൽ ബെൻസൺ ഹെഡ്ജസ് കപ്പും, 1996 ൽ വിൽസ് കപ്പും വിജയികൾക്ക് സമ്മാനിച്ചു.

1999 ൽ ആയിരുന്നു ആദ്യമായി സ്വന്തമായി ഒരു ട്രോഫി പുറത്തിറക്കാൻ ഐസിസി തീരുമാനിച്ചത്. ഗരാർഡ് & കമ്പനി രൂപകൽപ്പന ചെയ്ത ട്രോഫി രണ്ട് മാസം കൊണ്ടാണ് പണികൾ പൂർത്തിയാക്കി അവതരിപ്പിച്ചത്.

സ്വർണ്ണവും വെള്ളിയും കൊണ്ടാണ് കപ്പ് നിർമ്മിച്ചിരിക്കുന്നത്. ക്രിക്കറ്റ് പന്തിനെ സൂചിപ്പിക്കുന്ന ഒരു സ്വർണ്ണ ഭൂഗോളം മൂന്ന് വെള്ളി സ്തംഭങ്ങളിൽ നിൽക്കുന്ന തരത്തിലാണ് കപ്പിന്റെ രൂപകൽപ്പന. പതിനൊന്ന് കിലോ ഭാരവും 60 സെന്റീ മീറ്റര്‍ ഉയരവുമാണ് ഇതിനുള്ളത്.

മുൻ‌വർഷങ്ങളിലെ വിജയികളുടെ പേരുകൾ ഈ ട്രോഫിയുടെ താഴെ ആലേഖനം ചെയ്യപ്പെട്ടിട്ടുണ്ട്. ഇന്ത്യയും ഓസ്ട്രേലിയയും മാത്രം സ്വന്തമാക്കിയിട്ടുള്ള ഈ കപ്പിന്റെ ഇത്തവണത്തെ അവകാശി ആരാകുമെന്ന് കാത്തിരുന്ന് കാണാം.

113 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close