Health

പുകയില എന്ന മാരക വിഷം

ഇന്ന് ലോക പുകയില വിരുദ്ധദിനം. ലോകാരോഗ്യ സംഘടന എല്ലാ വര്‍ഷവും മെയ് 31 ലോക പുകയില വിരുദ്ധ ദിനമായി ആചരിക്കുന്നു. പുകയില ഏറ്റവും അധികം ബാധിക്കുന്നത് ശ്വാസകോശത്തെയാണ്. ഹൃദയത്തിന്റെ പ്രവര്‍ത്തനത്തേയും പുകവലി വളരെ ദോഷകരമായി ബാധിക്കുന്നു.

പുകവലിയുടെ അനന്തരഫലങ്ങള്‍ പുകവലിക്കുന്നവര്‍ മാത്രമല്ല അനുഭവിക്കേണ്ടി വരുന്നത്. മറ്റൊരാള്‍ പുകവലിക്കുമ്പോള്‍ വരുന്ന പുക ശ്വസിക്കുന്നത് പുകവലിയേക്കാള്‍ അപകടകരമാണ്. പുകവലിക്കാരുമായുള്ള സഹവാസത്തിലൂടെ മറ്റുള്ളവര്‍ക്കും രോഗങ്ങള്‍ ഉണ്ടാകും. കുഞ്ഞുങ്ങളും സ്ത്രീകളും യുവാക്കളും എല്ലാം പുകയിലയുടെ പുകയില്‍ എരിയേണ്ടി വരുന്നു.

ലോകത്തില്‍ ഓരോ മിനിട്ടിലും ഏകദേശം രണ്ട് പേര്‍ പുകവലി മൂലം മരണപ്പെടുന്നുണ്ടെന്നാണ് ലഭ്യമാകുന്ന കണക്കുകള്‍. ലോകത്ത് സംഭവിക്കുന്ന 12 ശതമാനം ഹൃദ്രോഗ മരണങ്ങള്‍ക്കും കാരണം പുകവലിയാണ്.

സിഗരറ്റില്‍ അടങ്ങിയിരിക്കുന്ന പ്രധാന ഘടകമായ നിക്കോട്ടിന്‍ എന്ന മാരക വിഷ വസ്തു ശരീരപ്രവര്‍ത്തനങ്ങളുടെ താളം തെറ്റിക്കുന്നു. പുകവലിക്കുമ്പോള്‍ നിമിഷങ്ങള്‍ക്കകം നിക്കോട്ടിന്‍ തലച്ചോറില്‍ എത്തുകയും അവിടെ നിന്നും ശരീരത്തിന്റെ വിവിധ ഭാഗങ്ങളിലേക്ക് എത്തുകയും ചെയ്യുന്നു.

നിക്കോട്ടിന്‍ തലച്ചോറിനെ ബാധിക്കുന്നത് മൂലം അല്‍ഷിമേഴ്‌സ് ഉണ്ടാകാനുള്ള സാധ്യതയും ഉണ്ട്. മറ്റുള്ളവരെ അപേക്ഷിച്ച് പുകവലിക്കുന്നവരില്‍ അര്‍ബുദത്തിന് സാധ്യത കൂടുതലാണ്.

ടാര്‍, കാര്‍ബണ്‍ മോണോക്‌സൈഡ്, സള്‍ഫര്‍, കാഡ്മിയം എന്നിങ്ങനെയുള്ള മാരകവിഷവസ്തുക്കളാണ് സിഗരറ്റില്‍ അടങ്ങിയിരിക്കുന്നത്. ശ്വാസംമുട്ട്, ബ്രോങ്കൈറ്റിസ് തുടങ്ങിയ രോഗങ്ങള്‍ക്കും പുകവലി വഴിയൊരുക്കുന്നു. പുകവലി പ്രത്യുല്‍പാദന ശേഷിയേയും ദോഷകരമായി ബാധിക്കുന്നു.

പുകയിലയിലെ കാര്‍ബണ്‍ മോണോക്‌സൈഡ് രക്തത്തിലെ ഹീമോഗ്ലോബിനുമായി ചേര്‍ന്ന് ശരീരത്തിലെ ഓക്‌സിജന്‍ വിതരണത്തെ ബാധിക്കും. ഇത് ശരീരത്തിലെ മൊത്തം പ്രവര്‍ത്തനങ്ങളേയും പ്രതികൂലമായി ബാധിക്കും. അതുകൊണ്ട് ഇനി മുതല്‍ നമുക്ക് പറയാം പുകയിലയോട് എരിഞ്ഞ് തീരാന്‍ ഞങ്ങളില്ല ,ഗുഡ് ബൈ.

 

201 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close