മുംബൈ: തിരുവനന്തപുരം കാര്യവട്ടം സ്പോർട്സ് ഹബ് സ്റ്റേഡിയത്തിൽ വീണ്ടും അന്താരാഷ്‌ട്ര മത്സരമെത്തുന്നു. ഇന്ത്യ – വെസ്റ്റ് ഇൻഡീസ് പരമ്പരയിലെ രണ്ടാമത്തെ ട്വന്റി 20 മത്സരമാണ് കാര്യവട്ടത്ത് നടക്കുക. ഡിസംബർ എട്ടിനാണ് മത്സരം. ബിസിസിഐ പുറത്തിറക്കിയ 2019-20 സീസണിലെ ഇന്ത്യയുടെ മത്സരങ്ങളുടെ പട്ടികയിലാണ് കാര്യവട്ടം വേദിയാകുമെന്നറിയിച്ചത്.
വെസ്റ്റ് ഇൻഡീസിനെതിരെ മൂന്ന് ട്വന്റി 20യും മൂന്ന് ഏകദിനങ്ങളുമാണുള്ളത്. ആദ്യ ട്വന്റി 20 മുംബൈയിലും മൂന്നാം ട്വന്റി 20 ഹൈദരാബാദിലും നടക്കും.
വരുന്ന സീസണിൽ ഇന്ത്യക്ക് 5 ടെസ്റ്റും 9 ഏകദിനങ്ങളും 12 ട്വന്റി 20യും ഹോം മത്സരങ്ങളായുണ്ട്. വെസ്റ്റ് ഇൻഡീസിന് പുറമെ ബംഗ്ലാദേശ്, സിംബാബ് വേ, ഓസ്ട്രേലിയ, ദക്ഷിണാഫ്രിക്ക ടീമുകളും ഇന്ത്യയിലേക്ക് എത്തുന്നുണ്ട്.
