ഇന്ത്യന്‍ ബോക് സിംഗ് ഇതിഹാസം മേരി കോം ബോക്‌സിംഗില്‍ നിന്നും വിരമിക്കാനൊരുങ്ങുന്നു. 2020 ലെ ടോക്കിയോ ഒളിമ്പിക്‌സിന് ശേഷം ബോക്‌സിംഗില്‍ നിന്നും വിരമിക്കാനാണ് താരം തീരുമാനിച്ചിരിക്കുന്നത്.
താന്‍ റിംഗില്‍ പതിനേഴ് വര്‍ഷം പൂര്‍ത്തിയാക്കിയെന്നും ഇത് ദീര്‍ഘമായ കാലയളവാണെന്നും ചിലപ്പോള്‍ 2020 ന് ശേഷം താന്‍ വിരമിക്കുമെന്നും മേരികോം പറഞ്ഞു. തന്റെ പ്രധാന ലക്ഷ്യം രാജ്യത്തിനായി സ്വര്‍ണം നേടുകയെന്നതാണ്. അതിന് വേണ്ടിയായിരുന്നു തന്റെ പോരാട്ടങ്ങള്‍.
നിരവധി യുവപ്രതിഭകള്‍ ബോക്‌സിംഗ് രംഗത്തേക്ക് കടന്നു വരുന്നുണ്ടെന്നും ഉടന്‍ തന്നെ മറ്റൊരു മേരി കോം ഉണ്ടാകുമെന്നുമാണ് തന്റെ പ്രതീക്ഷയെന്നും മേരി കോം വ്യക്തമാക്കി. രാജ്യത്തിനായി പേരാടിയതില്‍ അഭിമാനിക്കുന്നവെന്നും മേരി കോം പറഞ്ഞു.
ലോക ചാമ്പ്യന്‍ഷിപ്പില്‍ ബോക്‌സിംഗില്‍ ആറ് സ്വര്‍ണം നേടുന്ന ആദ്യ വനിതാ താരം എന്ന ബഹുമതി നേടിയ താരമാണ് മേരി കോം. അയര്‍ലന്‍ഡിന്റെ കാറ്റി ടെയ്‌ലറെ പിന്നിലാക്കിയാണ് മേരി ഈ നേട്ടം സ്വന്തമാക്കിയത്. ഇതിഹാസ ക്യൂബന്‍ പുരുഷ താരം ഫെലിക്‌സ് സാവോന് ശേഷം ആറ് മെഡലുകള്‍ കരസ്ഥമാക്കുന്ന താരവുമാണ് മേരി കോം.
