ന്യൂഡല്ഹി: കാര്ഗില് യുദ്ധത്തില് പാകിസ്ഥാന് സേനയുടെ മനോവീര്യം തകര്ത്തത് ഇന്ത്യന് വ്യോമസേനയുടെ നിര്ണ്ണായക നീക്കങ്ങളെന്ന് മുന് എയര് വൈസ് മാര്ഷല് മന്മോഹന് ബഹാദൂര്. കാര്ഗില് യുദ്ധത്തിനിടെ 15,000 അടി ഉയരത്തില് സ്ഥിരമായി ആയുധങ്ങള് വിന്യസിക്കാന് ഇന്ത്യയ്ക്കു കഴിഞ്ഞുവെന്നും അദ്ദേഹം പറഞ്ഞു. കാര്ഗില് യുദ്ധത്തിന്റെ ഇരുപതാം വാര്ഷികത്തിലാണ് മുന് വ്യോമ സേന ഉദ്യോഗസ്ഥര് മുന്കാല അനുഭവങ്ങള് പങ്കു വെച്ചത്.
യുദ്ധകാലത്ത് വ്യോമസേനയുടെ പോര്വിമാനങ്ങള് നടത്തിയ ദൗത്യം ഇന്ത്യന് സേനക്ക് വലിയ മുന്തൂക്കമാണ് നല്കിയത്. മൂന്ന് മാസം നീണ്ട യുദ്ധത്തിനൊടുവിലാണ് നുഴഞ്ഞുകയറ്റക്കാരെ ഇന്ത്യന് സൈന്യം തുരത്തിയതെന്ന് ചീഫ് മാര്ഷലിന്റെ സ്റ്റാഫ് ഓഫീസറായിരുന്ന എ.വൈ. ടിപ്നിസ് ഓര്ത്തെടുക്കുന്നു.
ജി.പി. എസ് പ്രതിരോധ നിരീക്ഷണം വ്യോമസേന അന്ന് ആദ്യമായി ഉപയോഗിച്ചു. സൈന്യത്തിന്റെ തന്ത്രപരമായ ചുവടുവെപ്പുകളും യുദ്ധമുഖത്ത് ഊര്ജം നല്കി. പാകിസ്ഥാന്റെ പ്രധാന കേന്ദ്രങ്ങള് ലക്ഷ്യമാക്കിയുള്ള വ്യോമാക്രമണവും നിര്ണ്ണായകമായി.ഇതു തന്നെയാണ് ഇന്ത്യയുടെ ആത്യന്തിക വിജയത്തിന് കാരണമായതെന്നും മുന് വ്യോമസേനാംഗങ്ങള് പറഞ്ഞു.