വെല്ലിംഗ്ട്ടണ്: ലോകക്കപ്പ് ക്രിക്കറ്റിന്റെ കലാശപ്പോരാട്ടത്തിലെ നിരാശ മുന്നറിയിപ്പാക്കി ന്യൂസിലാന്റ് ഓള്റൗണ്ടര് നീഷാം. അവസാന ഓവറും സൂപ്പറോവറും തുല്യശക്തികളുടെ ഒപ്പത്തിനൊപ്പമുള്ള പോരാട്ടമായിട്ടും വികലമായ സാങ്കേതിക തീരുമാനമായി വന്ന ഫലത്തെ പഴിക്കുകയാണ് നീഷാം. ട്വിറ്ററില് കുറിച്ച നിരാശകലര്ന്ന വാചകങ്ങളിലാണ് എന്തു ജോലിയ്ക്ക് പോയാലും ക്രിക്കറ്റ് കരിയറാക്കരുതെന്ന് പറഞ്ഞിരിക്കുന്നത്.
‘കുട്ടികളെ, കായികരംഗം കരിയറാക്കരുത്. നിങ്ങള് വല്ല ബേക്കറിപ്പണിയോ അതോ വേറെയെന്തെങ്കിലുമോ തിരഞ്ഞെടുത്തോളൂ.തിന്ന് കൊഴുത്ത് സന്തോഷത്തോടെ 60 വയസ്സില് മരിച്ചോളൂ’- നീഷാം ട്വിറ്ററിലൂടെ കടുത്ത നിരാശയാണ് പ്രകടിപ്പിച്ചിരിക്കുന്നത്.
സൂപ്പര് ഓവറില് ബാറ്റേന്തിയ നീഷാമും ഗുപ്റ്റിലും നടത്തിയ പോരാട്ടം ജനമനസ്സില് ഇടം പിടിച്ചുകഴിഞ്ഞു.മാധ്യമങ്ങളിലും സോഷ്യല്മീഡിയയിലും ന്യൂസിലാന്റിന്റെ പോരാട്ടത്തിന് വലിയ പിന്തുണയാണ് കിട്ടിയിരിക്കുന്നത്.