.
ന്യൂഡല്ഹി:ബംഗ്ലൂരുവിലില് തകര്ന്നുവീണ യുദ്ധവിമാനത്തിലെ വൈമാനികന്റെ ഭാര്യയ്ക്ക് വ്യോമസേനയില്തന്നെ ജോലിയ്ക്ക് അവസരമൊരുങ്ങുന്നു.
പരിശീലനത്തിനിടെ തകര്ന്നുവീണ മിറാഷ്2000 യുദ്ധവിമാനത്തിലെ പൈലറ്റ് സ്ക്വാഡ്രന് ലീഡര് സമീര് അബ്രോളിന്റെ ഭാര്യ ഗരിമയ്ക്കാണ് സര്വ്വീസ് സെലക്ഷന് ബോര്ഡിന്റെ യോഗ്യതലഭിച്ചിരിക്കുന്നത്. തെലങ്കാനയിലെ ദിന്ഡിഗല് വായുസേനാ അക്കാദമിയിലായിരിക്കും പരിശീലനം.
സ്ക്വാഡ്രന് ലീഡര് സമീര് അബ്രോള്, സ്ക്വാഡ്രന് ലീഡര്സിദ്ധാര്ത്ഥ് നേഗി എന്നിവരാണ് ഫെബ്രുവരിയില് ബംഗ്ലൂരുവിലെ അപകടത്തില് മരിച്ചത്. ഇരുവരും എയര്ക്രാഫ്റ്റ് ആന്റ് സിസ്റ്റംസ് ടെസ്റ്റിംഗ് എക്സാറ്റാബ്ലിഷ്മെന്റിലെ വൈമാനികരായിരുന്നു.
നവീകരീച്ച സാങ്കേതിക സംവാധാനങ്ങള് പരിശോധിക്കാനുള്ള അനുമതി ലഭിച്ച ശേഷം പറത്തിയ വിമാനം ഇറങ്ങുന്നതിനിടെ തകരുകയായിരുന്നു. സ്വയം രക്ഷപെടാന് സാധ്യതയുണ്ടായിരുന്നിട്ടും വിമാനം ജനവാസമേഖലയില് തകര്ന്നുവീഴാതിരിക്കാന് ഇരുവരും അവസാനം വരെ ശ്രമിച്ചതായി സമീറിന്റെ സഹോദരന് സുശാന്തും ഗരിമയും പറയുന്നു. അപകടകാരണത്തെപ്പറ്റി ഉന്നതതല അന്വേഷണം ആവശ്യപ്പെട്ടതായി അവര് പറഞ്ഞു.