ന്യൂഡല്‍ഹി: മുന്‍ ഒളിമ്പ്യന്‍ പി.ടി.ഉഷയെ അന്താരാഷ്ട്ര അത്‌ലറ്റിക് ഫെഡറേഷനിലെ മുതിര്‍ന്ന താരമായി അംഗീകരിച്ചതായി ഐ എ എ എഫ് ഔദ്യോഗികമായി അറിയിച്ചു. 2019 സെപ്തംബറില്‍ ഖത്തറില്‍ നടക്കുന്ന 52-ാമത് ഐ എ എ എഫ സമ്മേളനത്തില്‍ വച്ച് ബഹുമതി സമ്മാനിക്കും.
ലോക അത്‌ലറ്റിക് വേദിയില്‍ നിന്ന് ലഭിച്ച വലിയ അംഗീകാരമായി താന്‍ ഇതിനെ കാണുന്നതായി ഉഷ പറഞ്ഞു. രാജ്യം 1983ല്‍ അര്‍ജ്ജുന അവാര്‍ഡും 1985ല്‍ പദ്മശ്രിയും നല്‍കി പയ്യോളി എക്‌സ്പ്രസ്സ് എന്ന് വിളിക്കുന്ന ഉഷയെ ആദരിച്ചിരുന്നു.
