ന്യൂഡല്ഹി: ഇന്ത്യയുടെ ശക്തമായ ഇടപ്പെടലില് പാകിസ്ഥാനുമായുളള സൈനിക, ആയുധ ഉടമ്പടിയില് നിന്നും പിന്മാറി റഷ്യ. 50000 കലാഷ്നികോവ് റൈഫിളുകള് വാങ്ങാനുളള പാകിസ്ഥാന്റെ അഭ്യര്ഥന റഷ്യ നിരസിച്ചു. പാകിസ്ഥാനുമായി സൈനിക,ആയുധ ഉടമ്പടി ഉണ്ടാവില്ലെന്നു റഷ്യ ഇന്ത്യക്ക് ഉറപ്പ് നല്കി. പാകിസ്ഥാന് സൈന്യവുമായി സഹകരണമില്ലെന്നും റഷ്യ വ്യക്തമാക്കിയിരുന്നു.
ബാലകോട്ട് വ്യോമാക്രമണത്തിനു ശേഷം പാക്ക് സൈന്യത്തിന്റെ പ്രവര്ത്തനങ്ങളെയും റഷ്യവുമായി ബന്ധം സ്ഥാപിക്കാനുളള നീക്കങ്ങളെയും ഇന്ത്യന് രഹസ്യന്വേഷണ ഏജന്സികള് സൂക്ഷ്മമായി നിരീക്ഷിക്കുന്നുണ്ട്. പുതിയ വ്യോമ പ്രതിരോധ സംവിധാനങ്ങള്ക്ക് പാകിസ്ഥാന് റഷ്യയിലേക്ക് അയച്ച നിര്ദേശങ്ങള് ഏജന്സി കണ്ടെത്തിയിരുന്നു.
പാകിസ്ഥാന് റഷ്യയുമായുളള സൈനിക ബന്ധം ദൃഢപ്പെടുത്താനായി 50000 എകെ സീരിസ് വാങ്ങാനുളള നിര്ദേശം പാകിസ്ഥാന് റഷ്യയിലേക്ക് അയച്ചിരുന്നു. എന്നാല് ഏതു തരം മോഡല് എകെ തോക്കുകളാണ് വാങ്ങുന്നതെന്ന് വ്യക്തമല്ല.
മറ്റു തോക്കുകള്ക്കു പുറമെ ചൈന നിര്മിതമായ എകെ 56 റൈഫിളുകളാണ് പാക്ക് സൈന്യം ഉപയോഗിക്കുന്നത്. എകെ 47 ന്റെ ചൈനീസ് പതിപ്പാണ് എകെ 56. ജമ്മു കാശ്മീരിലും വടക്കുകിഴക്കന് മേഖലയിലുമായി പ്രവര്ത്തിക്കുന്ന ഭീകരരില് നിന്നും നിരവധി എകെ 56 തോക്കുകള് പിടിച്ചെടുത്തിട്ടുണ്ട്.
ബാലകോട്ട് വ്യോമാക്രമണത്തിനു ശേഷം പാക്ക് സൈന്യം ടി 90 ടാങ്കുകള് വാങ്ങിയിരുന്നു. നാല് മി -എം ആക്രമണ ഹെലികോപ്റ്ററുകള്ക്കായി 2015ല് പാകിസ്ഥാനും റഷ്യയും കരാര് ഒപ്പിടുകയും കൈമാറുകയും ചെയ്തിരുന്നു.