ജമ്മു കശ്മീരിലെ ലഡാക്കില് കാര്ഗില്-ദ്രാസ് മേഖലയിലാണ് കാര്ഗില് യുദ്ധം നടന്നത്. ഈ പ്രദേശം പിടിച്ചെടുക്കാന് പാക്കിസ്ഥാന് സൈന്യം ശൈത്യകാലത്ത് നുഴഞ്ഞുകയറ്റക്കാരുടെ പേരില് സൈനികരെ അയച്ചു. ലഡാക്കും കശ്മീരും തമ്മിലുള്ള ബന്ധം വിച്ഛേദിക്കുക, ഇന്ത്യന് അതിര്ത്തിയില് സംഘര്ഷങ്ങള് സൃഷ്ടിക്കുക എന്നിവയായിരുന്നു അവരുടെ പ്രധാന ലക്ഷ്യം. ഒടുവില് ഇരു രാജ്യങ്ങളും തമ്മില് യുദ്ധം പൊട്ടിപ്പുറപ്പെട്ടു. പാകിസ്ഥാന് സൈനികര് നിയന്ത്രണ രേഖ കടന്നാണ് ഇന്ത്യയുടെ നിയന്ത്രണത്തിലുള്ള പ്രദേശങ്ങളിലേക്ക് അതിക്രമിച്ച് കയറിയത്.
1999 മെയ് 3 ന് പാകിസ്ഥാന് കാര്ഗില് യുദ്ധം ആരംഭിച്ചു. കാര്ഗിലിലെ ഉയര്ന്ന പ്രദേശങ്ങളിലേക്ക് 5000 സൈനികരുമായി പാകിസ്ഥാന് നുഴഞ്ഞുകയറി പ്രദേശം പിടിച്ചെടുത്തു. ഇന്ത്യന് പ്രദേശം വഞ്ചനയിലൂടെ കൈക്കലാക്കിയ നുഴഞ്ഞുകയറ്റക്കാരില് നിന്ന് മോചിപ്പിക്കാനായി ഇന്ത്യന് സൈന്യം ‘ ഓപ്പറേഷന് വിജയ് ‘ ആരംഭിച്ചു.
എല്ലാ ശൈത്യകാലത്തും ഇരു രാജ്യങ്ങളുടേയും കാവല് സൈനികര് അതിര്ത്തിയില് നിന്നും മാറി നില്ക്കാറുണ്ട്. വീണ്ടും വസന്തകാലം വരുമ്പോഴേക്കും ഇരുപക്ഷവും സ്വന്തം പോസ്റ്റുകളില് തിരികെ എത്തുകയും ചെയ്യും. എന്നാല്, 1999 ല് പാകിസ്ഥാന് സൈന്യം പതിവിലും നേരത്തെ മടങ്ങിയെത്തി. തുടര്ന്ന് പാക് സൈന്യം കശ്മീര് ഭീകരരുടെ സഹായത്തോടെ കാര്ഗിലിലെ ഉയര്ന്ന പോസ്റ്റുകള് പിടിച്ചടക്കി. ഇതു വഴി തന്ത്രപ്രധാനമായ ശ്രീനഗര്-ലേ ദേശീയ പാത അവരുടെ നിയന്ത്രണത്തിലാക്കി.
1998 ഇരു രാജ്യങ്ങളും ആണവായുദ്ധങ്ങള് വികസിപ്പിച്ച ശേഷമുള്ള ആദ്യ യുദ്ധമാണ് 1999ലെ കാര്ഗില് യുദ്ധം. പാകിസ്ഥാന് പട്ടാളം കൈവശപ്പെടുത്തിയിരുന്ന മേഖലകളില് മിഗ്-27, മിഗ്-29 എന്നീ യുദ്ധ വിമാനങ്ങള് ഉപയോഗിച്ചാണ് ഇന്ത്യന് വ്യോമസേന ആക്രമണം നടത്തിയത്. ഇന്ത്യന് വ്യോമസേന ആര്-77 മിസൈലുകള് ഉപയോഗിച്ചാണ് പാകിസ്ഥാന്റെ ഭൂരിഭാഗം താവളങ്ങളും തകര്ത്തത്. രണ്ടാം ലോക മഹായുദ്ധത്തിന് ശേഷം ശത്രു സൈന്യത്തിനു മേല് ഏറ്റവും കൂടുതല് ബോംബുകള് വര്ഷിക്കുന്ന യുദ്ധത്തിനാണ് കാര്ഗില് വേദിയായത്.