ശ്രീനഗര്: ക്രിക്കറ്റ് ജീവിതത്തില് ഒരല്പ്പം വിശ്രമം നല്കി ജനങ്ങളുടെ സുരക്ഷയ്ക്ക് കാവലായി ധോണി. ദക്ഷിണ കാശ്മീരില് കഴിഞ്ഞ ദിവസം ധോണി ഡ്യൂട്ടിയില് പ്രവേശിച്ചു. കശ്മീരില് നിന്നും സൈനിക വേഷത്തിലുള്ള ധോണിയുടെ ചിത്രങ്ങള് സമൂഹമാധ്യമങ്ങളില് തരംഗമാകുകയാണ്. സൈനിക വേഷത്തില് ക്രിക്കറ്റ് ബാറ്റില് ഒപ്പിടുന്ന ധോണിയുടെ ചിത്രം ട്വിറ്ററില് പങ്കുവച്ചിരുന്നു.
ടെറിട്ടോറിയല് ആര്മിയില് ലഫ്റ്റനന്റ് കേണലായ ധോണി രണ്ടു മാസത്തേക്കാണ് സൈനിക സേവനത്തില് പ്രവേശിച്ചത്. ജൂലൈ 31 ന് കശ്മീരിലെത്തിയ വിവരം ആര്മി വൃത്തങ്ങള് സ്ഥിരീകരിച്ചു. ഓഗസ്റ്റ് 15 വരെയുള്ള 16 ദിവസം 106 പാരാ ബറ്റാലിയനില് പട്രോളിങ്, ഗാര്ഡ്, ഔട്ട്പോസ്റ്റ് ചുമതലകള് നിര്വഹിക്കും. സൈനികര്ക്കൊപ്പമാണ് ധോണി താമസിക്കുന്നത്.
കാശ്മീരില് സൈനിക സേവനത്തിനായി പോകുന്ന ധോണിക്ക് പ്രത്യക സംരക്ഷണം ഏര്പ്പെടുത്തേണ്ടതില്ലെന്നും മറ്റു സൈനികര്ക്കൊപ്പം നാടിനെ സംരക്ഷിക്കുകയാണ് ചെയ്യുന്നതെന്നും കരസേനാ മേധാവി ബിപിന് റാവത്ത് അറിയിച്ചിരുന്നു.
