Health

നെഞ്ചിൻ കൂടില്ലാതെ ജനിച്ച കുഞ്ഞിനു 3 ഡി സാങ്കേതിക സഹായത്തോടെ പുതു ജീവിതം

നെഞ്ചിൻ കൂടില്ലാതെ പിറന്ന കുഞ്ഞ് , ഹൃദയവും,ശ്വാസകോശവും ത്വക്കിനു അടിയിലായി കാണാം .ഈ അവസ്ഥയായിരുന്നു എട്ടുമാസം പ്രായമായ ആത്മികയുടേത് . ഹൃദയത്തിനു മുറിവേൽക്കുമോ എന്ന ഭയത്താൽ കുട്ടിയെ കൈയ്യിലെടുക്കാനോ, പാല് കൊടുക്കാനോ പോലും മാതാപിതാക്കൾ ഭയന്നു . എന്നാൽ ഈ അവസ്ഥയിൽ നിന്ന് പുതുജീവിതത്തിലേക്ക് പിച്ച വയ്ക്കുകയാണ് ഇന്ന് ആത്മിക, 3ഡി സാങ്കേതിക വിദ്യയുടെ സഹായത്തോടെ . അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലായിരുന്നു ശസ്ത്രക്രിയ .

‘ കൺജനിറ്റൽ ആബ്സൻസ് ഓഫ് സ്റ്റേർണം ‘ എന്ന അവസ്ഥയായിരുന്നു ആത്മികയുടേത് . നെഞ്ചിനു സംരക്ഷണം നൽകേണ്ട ഉരാസ്ഥിയ്ക്ക് വളർച്ചയിലാത്ത അവസ്ഥയാണിത് . കുഞ്നിനായി ചികിത്സാ സൗകര്യം തേടിയ മാതാപിതാക്കൾക്ക് ലഭിച്ച മറുപടി നിരാശാജനകമായിരുന്നു ,ഈയവസ്ഥയ്ക്ക് ചികിത്സയില്ലാ,ഹൃദയത്തിനു മുറിവേൽക്കാതെ സൂക്ഷിക്കുകയാണ് പ്രധാനം. ആശ്രയമറ്റ് ജീവിക്കുന്ന ഈ അവസ്ഥയിലാണ് ആത്മികയെ അമൃതയിലെത്തിച്ചത് .

ആത്മികയെ പരിശോധിച്ച ഡോക്ടർമാരുടെ സംഘം നൂതന ചികിത്സാ രീതികൾ പരീക്ഷിക്കാൻ തന്നെ തീരുമാനിച്ചു . സിടി സ്കാനിംഗിലൂടെ കുഞ്ഞിന്റെ നെഞ്ചിന്റെ കൃത്യ അളവ് കണ്ടെത്തി .3ഡി പ്രിന്റിംഗ് സോഫ്റ്റ്‌വെയറിന്റെയും 3ഡി പ്രിന്റിംഗ് മെഷീന്റെയും സഹായത്തോടെ ആശുപത്രിയില്‍ തന്നെ പുതിയതായി ഉരാസ്ഥിയുടെ പ്രിന്റ് എടുത്തു.

അതിനു ശേഷം ആത്മികയുടെ ഏഴാമത്തെ വാരിയെല്ല് ഉപയോഗിച്ച് ഉരാസ്ഥി നിർമ്മിച്ചു . സങ്കീർണ്ണമായ പ്രക്രിയയിലൂടെയാണ് ഇത് സാദ്ധ്യമാക്കിയത് . 3ഡി മാതൃക ഉപയോഗിച്ച് ശസ്ത്രക്രിയാ രീതികള്‍ കൃത്യമായി മുന്‍കൂട്ടി ചെയ്തുനോക്കിയതിനുശേഷമാണ് ആത്മികയുടെ ശസ്ത്രക്രിയ എങ്ങനെ നടത്തണമെന്ന് തീരുമാനിച്ചത് . കുട്ടി വളരുന്നതിന് അനുസരിച്ച് നെഞ്ചെല്ലും വളര്‍ന്ന് ഹൃദയത്തിന് സുരക്ഷ നല്‍കും.

ലോകത്തിലാദ്യമായാണ് 3 ഡി സാങ്കേതിക വിദ്യയുടെ സഹായത്തോടെ ഇത്തരമൊരു വൈകല്യം പരിഹരിക്കുന്നത് . സീനിയര്‍ പ്ലാസ്റ്റിക് സര്‍ജനും പ്രഫസറുമായ ഡോ. സന്ദീപ് പ്രഭാകരന്‍, പീഡിയാട്രിക് കാര്‍ഡിയാക് സര്‍ജന്‍ ഡോ.പി.കെ. ബ്രിജേഷ്, പീഡിയാട്രിക് കാര്‍ഡിയോളജിസ്റ്റ് ഡോ .മഹേഷ് എന്നിവരുടെ നേതൃത്വത്തിലായിരുന്നു ശസ്ത്രക്രിയ . ഇന്ന് ആത്മികയെ നെഞ്ചോട് ചേർത്ത് പിടിക്കുകയാണ് മാതാപിതാക്കൾ പൂർണ്ണ സന്തോഷത്തോടെ .

255 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close