Sports

ക്രിക്കറ്റില്‍ വിപ്ലവം തീര്‍ക്കാന്‍ മൈക്രോ ചിപ് ഘടിപ്പിച്ച പന്തുകള്‍; പേസിനും ബൗണ്‍സിനുമൊപ്പം ഡിആര്‍എസും ഇനി കിറുകൃത്യമായി അറിയാം

വെല്ലിംഗ്ടണ്‍: ക്രിക്കറ്റ് എന്നും മാറ്റങ്ങള്‍ക്ക് വിധേയമാകുന്ന കായിക വിനോദമാണ്. ഓരോ കാലഘട്ടത്തിലും ക്രിക്കറ്റില്‍ നിരവധി പരിഷ്‌കരണങ്ങള്‍ വരുത്താറുണ്ട്. സാങ്കേതിക വിദ്യകളെ ഇത്രകണ്ട് ആശ്രയിക്കുന്ന മറ്റൊരു കായിക വിനോദവുമുണ്ടാകില്ല. എന്നാല്‍ വളരെ വ്യത്യസ്തമായ ഒരു മാറ്റത്തിനാണ് ക്രിക്കറ്റ് ഇത്തവണ വേദിയാകാന്‍ പോകുന്നത്. ക്രിക്കറ്റില്‍ മൈക്രോ ചിപ് ഘടിപ്പിച്ച പന്തുകള്‍ പരീക്ഷിക്കാനൊരുങ്ങുകയാണ് ഓസ്‌ട്രേലിയന്‍ ക്രിക്കറ്റ് കമ്പനിയായ കൂക്കാബുറ. കൂക്കാബുറ തന്നെയാണ് ഇക്കാര്യം ട്വിറ്ററിലൂടെ പുറത്തു വിട്ടത്.

പന്തിന്റെ സ്പീഡ്, പ്രീ ബൗണ്‍സ്, പോസ്റ്റ് ബൗണ്‍സ് എന്നിവ കണക്കാക്കുന്നതിനു പുറമേ ഡിസിഷന്‍ റിവ്യൂ സിസ്റ്റ(ഡിആര്‍എസ്)ത്തിലും സ്മാര്‍ട്ട് പന്തുകളുടെ ഉപയോഗം നിര്‍ണ്ണായകമാകും. ഓസ്‌ട്രേലിയന്‍ ടി20 ലീഗായ ബിഗ് ബാഷിലാകും സ്മാര്‍ട്ട് പന്തുകള്‍ ആദ്യം പരീക്ഷിക്കുകയെന്നാണ് റിപ്പോര്‍ട്ട്. ഇത് വിജയകരമായാല്‍ ടെസ്റ്റ് മത്സരങ്ങളിലും സ്മാര്‍ട്ട് പന്തുകള്‍ പരീക്ഷിക്കാനാണ് സാധ്യത.

Loading...

പരിശീലകര്‍ക്കും കളിക്കാര്‍ക്കും ഒരുപോലെ ഗുണകരമാകുന്നതാണ് കൂക്കാബുറയുടെ പുതിയ കണ്ടുപിടുത്തമെന്ന് ക്രിക്കറ്റ് ഓസ്‌ട്രേലിയയുടെ അധികൃതര്‍ ചൂണ്ടിക്കാട്ടുന്നു. എന്നാല്‍ സാങ്കേതിക വിദ്യയുടെ ഉപയോഗം കളിക്കാരെ ബാധിക്കരുതെന്നും സാധാരണ ക്രിക്കറ്റ് പന്തുകളില്‍ നിന്ന് കളിക്കാര്‍ക്ക് മാറ്റങ്ങളൊന്നും അനുഭവപ്പെടാതിരിക്കാന്‍ ശ്രദ്ധിക്കണമെന്നും ക്രിക്കറ്റ് ഓസ്‌ട്രേലിയ ഉദ്യോഗസ്ഥന്‍ പീറ്റര്‍ റോച്ച് അഭിപ്രായപ്പെട്ടു.

മുന്‍ ഓസ്‌ട്രേലിയന്‍ പേസ് ബോളര്‍ മൈക്കല്‍ കാസ്‌പ്രോവിച്ചിന്റെ ഉടമസ്ഥതയിലുള്ള സ്‌പോര്‍ട്ട്‌കോറും കൂക്കാബുറയും സംയുക്തമായാണ് സ്മാര്‍ട്ട് പന്തിന്റെ നിര്‍മ്മാണത്തില്‍ പങ്കാളികളായിരിക്കുന്നത്.

140 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close