ലണ്ടന്: യുവേഫാ സൂപ്പര്കപ്പ് കിരീടപ്പോരാട്ടത്തില് ഇന്ന് ലിവര്പൂളും ചെല്സിയും ഏറ്റുമുട്ടും. ഇസ്താന്ബുള്ളിലാണ് മത്സരം. നിലവിലെ ചാമ്പ്യസ് ലീഗ് ജേതാക്കളായ ലിവര്പൂള് യൂറോപ്പാലീഗ് ചാമ്പ്യന്മാരായ ചെല്സിയുമായാണ് കലാശപ്പോരാട്ടം. രണ്ടു ടീമിനും ഈ സീസണിലെ ആദ്യകിരീടമുയര്ത്താനുള്ള അവസരമാണിത്. കഴിഞ്ഞ തവണ കപ്പുനേടിയത് റയലിനെ 4-2 ന് തോല്പ്പിച്ച അത്ലറ്റികോ മാഡ്രിഡായിരുന്നു.
ആദ്യമായിട്ടാണ് ഇംഗ്ലീഷ് ലീഗിലെ ഇരുവരും സൂപ്പര്കപ്പിന്റെ ഫൈനലില് മാറ്റുരയ്ക്കുന്നത്. 14 വര്ഷത്തിനുശേഷമാണ് ഒരു ഇംഗ്ലീഷ് ടീം കപ്പുനേടാന് പോകുന്നത്.മാത്രമല്ല അഞ്ചുവര്ഷത്തിനുശേഷമാണ് സ്പാനിഷ് ലീഗിന് പുറത്തുനിന്നുള്ള ഒരുടീം കപ്പുനേടാന് പോകുന്നത് എന്നീ പ്രത്യേകതകളാണ് ഫുട്ബോള് ആരാധകരെ ഇന്ന് കാത്തിരിക്കുന്നത്. ലിവര്പൂള് 2005ല് സൂപ്പര്കപ്പ് ചാമ്പ്യന്മാരായിരുന്നു.
ലിവര്പൂള് ജയത്തോടെ തുടങ്ങിയ സീസണാണ് 2019 .കഴിഞ്ഞയാഴ്ച പ്രീമിയര് ലീഗ് മത്സരത്തില് നോര്വിച്ചിനെ 4-1ന് തകര്ത്തപ്പോള് ചെല്സി 4-0ന്റെ കനത്ത തോല്വിയാണ് മാഞ്ചസ്റ്റര് യുണൈറ്റഡില് നിന്ന് ഏറ്റുവാങ്ങിയത്. 11 തവണ ലിവര്പൂളും ചെല്സിയും യുവേഫയില് ഏറ്റുമുട്ടിയപ്പോളും 3 ജയവും 5 സമനിലയുമായി ചെല്സിക്കാണ് മുന്തൂക്കം.പരിശീലകനെന്ന നിലയില് ഫ്രാന്ക് ലംബാര്ഡിന് ചെല്സിക്കായി ആദ്യ കിരീടം കൈപ്പിടിയിലാക്കാനുള്ള സുവര്ണ്ണാവസരവുമാണിത്. ജോര്ഗ്ഗന് ക്ലാപ്പിന്റെ ലിവര്പൂളിനാകട്ടെ കഴിഞ്ഞ 3 വര്ഷം 4 പ്രധാന യൂറോപ്യന് ലീഗില് ഫൈനലില് കളിക്കാനായെങ്കിലും കിരീടം പിടിക്കാനായില്ല എന്ന കുറവ് പരിഹരിക്കാനുള്ള അവസരവുമാണ്.
റഫറിയുടെ കാര്യത്തിലും മറ്റൊരു പ്രത്യേകതയുണ്ട് .ഫുട്ബോള് ചരിത്രത്തിലാദ്യമായിട്ടാണ് ഒരു പ്രധാന യൂറോപ്യന് പുരുഷ മത്സരത്തില് വനിതയായ റഫറി കളിനിയന്ത്രിക്കുന്നത്. ഫ്രാന്സിന്റെ സ്റ്റെഫാനി ഫ്രാപ്പാര്ട്ടാണ് കളത്തിലിറങ്ങുന്നത്.
