പഴവര്‍ഗങ്ങള്‍ കഴിക്കുന്നതിന് മുന്‍പ് ഇക്കാര്യങ്ങള്‍ ശ്രദ്ധിക്കാം
കൃത്രിമമായി പഴങ്ങള്‍ പഴുപ്പിക്കാന്‍ ഉപയോഗിക്കുന്ന രാസവസ്തുവാണ് കാത്സ്യം കാര്‍ബൈഡ്. ക്യാന്‍സര്‍ ഉള്‍പ്പെടെയുള്ള നിരവധി ആരോഗ്യപ്രശ്‌നങ്ങള്‍ക്ക് വഴി വെയ്ക്കുന്ന മാരക വിഷ വസ്തുവാണ് കാത്സ്യം കാര്‍ബൈഡ്. അമിത അളവില്‍ കാര്‍ബൈഡുകള്‍ ഉള്ളിലെത്തിയാല്‍ തലച്ചോറിന്റേയും നാഡീവ്യൂഹത്തിന്റേയും പ്രവര്‍ത്തനങ്ങളെ പ്രതികൂലമായി ബാധിക്കും. അതുകൊണ്ട് തന്നെ പഴവര്‍ഗങ്ങള്‍ കഴിക്കുമ്പോള്‍ അല്‍പം ജാഗ്രത പുലര്‍ത്തേണ്ടതുണ്ട്.
കൃത്രിമമായി പഴുപ്പിച്ച പഴങ്ങളുടെ ഉള്‍വശം നന്നായി പഴുക്കില്ല. ഇത്തരത്തിലുള്ളവയുടെ ഉള്‍വശം കല്ലിച്ചിരിക്കും. ഫലവര്‍ഗങ്ങള്‍ വാങ്ങി രണ്ട് ദിവസം കഴിഞ്ഞാല്‍ ഇത്തരത്തിലുള്ളവയുടെ തൊലി പുറമെ കറുത്ത പാടുകള്‍ ദൃശ്യമാകും. പഴത്തിന്റെ എല്ലാ ഭാഗത്തും ആകര്‍ഷകമായ നിറം ഉണ്ടാകുമെങ്കിലും മധുരവും മണവും സാധാരണ പഴങ്ങളെ പോലെ ഉണ്ടാകില്ല.
പഴവര്‍ഗങ്ങള്‍ കഴിക്കുന്നതിനു മുന്‍പ് ശുദ്ധജലത്തില്‍ നന്നായി കഴുകണം. ഉപ്പിട്ട വെള്ളത്തില്‍ പഴങ്ങള്‍ കഴുകിയെടുക്കണം. ഇത് വഴി 75-80 ശതമാനത്തോളം വിഷാംശം നീക്കം ചെയ്യപ്പെടും.
ഒരു പാത്രം വെള്ളത്തില്‍ ഒരു സ്പൂണ്‍ ബേക്കിങ് സോഡ ചേര്‍ത്ത് പഴങ്ങള്‍ കഴുകിയെടുക്കുന്നത് വഴി 96 ശതമാനം വരെ വിഷാംശം നീക്കം ചെയ്യാന്‍ സാധിക്കും. രണ്ട് കപ്പ് വെള്ളത്തില്‍ മഞ്ഞള്‍പ്പൊടിയും ഉപ്പും ഓരോ സ്പൂണ്‍ വീതം ചേര്‍ത്ത മിശ്രിതത്തില്‍ പഴങ്ങള്‍ കഴുകിയെടുക്കുന്നതും വിഷാംശം നീക്കം ചെയ്യും.
പഴങ്ങള്‍ വാങ്ങുമ്പോള്‍ പുറം തൊലിയില്‍ കറുത്ത പാടുകള്‍ ഉള്ളവ വാങ്ങാതിരിക്കാന്‍ ശ്രദ്ധിക്കണം.
Post Your Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..