India

യു എന്നിൽ ഇന്ത്യയെ സഹായിക്കരുതെന്നാവശ്യപ്പെട്ട പാകിസ്ഥാനെ തള്ളി റഷ്യ ; എന്നും ഇന്ത്യയ്ക്കൊപ്പമാണ് , കശ്മീർ വിഷയത്തിലും അങ്ങനെ തന്നെയാകുമെന്ന് ഉറപ്പ്

ന്യൂഡൽഹി : കശ്മീർ വിഷയം യു എൻ അടിയന്തിരമായി പരിഗണിക്കമെന്ന പാകിസ്ഥാന്റെ ആവശ്യത്തിനോട് മുഖം തിരിച്ച് റഷ്യ . വിഷയത്തിൽ ലോകരാജ്യങ്ങളുടെ പിന്തുണ തേടാൻ ശ്രമിച്ച പാകിസ്ഥാനു നിരാശയായിരുന്നു ഫലം ,മാത്രമല്ല പാകിസ്ഥാൻ നൽകിയ അപേക്ഷ യു എൻ നിരാകരിച്ചു . ഈ സാഹചര്യത്തിലാണ് ചൈനയുടെ സഹായത്തോടെ യു എന്നിൽ ഈ വിഷയം വീണ്ടും ഉന്നയിക്കാൻ പാകിസ്ഥാൻ ശ്രമിക്കുന്നത് .

കശ്മീർ വിഷയത്തിൽ ഇന്ത്യയ്ക്കൊപ്പം നിൽക്കരുതെന്നാവശ്യപ്പെട്ട് പാക് വിദേശകാര്യമന്ത്രി എസ് എം ഖുറേഷി , റഷ്യൻ വിദേശ കാര്യമന്ത്രി സെർജി ലാവ്രോവിനെ വിളിച്ചിരുന്നതായും എന്നാൽ തങ്ങളുടെ നിലപാടുകൾ അവർക്ക് മുന്നിൽ വ്യക്തമാക്കിയതായും റഷ്യൻ വിദേശകാര്യ വക്താവ് പറഞ്ഞു .

കശ്മീർ ഇന്ത്യയുടെ ആഭ്യന്തര വിഷയമാണെന്നും , യു എന്നിൽ ഇക്കാര്യത്തിൽ ഇന്ത്യയ്ക്കൊപ്പമാണെന്നും റഷ്യ വ്യക്തമാക്കിയിട്ടുമുണ്ട് . കശ്മീർ വിഷയം പഠിച്ച് മാത്രം ഇടപെടൽ നടത്തണമെന്നാണ് റഷ്യ യു എൻ പ്രതിനിധികളോട് ആവശ്യപ്പെട്ടിരിക്കുന്നത് .

1972 ലെ സിംല കരാറിലെയും 1999 ലെ ലാഹോർ പ്രഖ്യാപനത്തിലെയും വ്യവസ്ഥകൾക്കനുസൃതമായി ഉഭയകക്ഷി അടിസ്ഥാനത്തിൽ രാഷ്ട്രീയവും നയതന്ത്രപരവുമായ മാർഗ്ഗങ്ങൾ വഴി പ്രശ്നങ്ങൾ പരിഹരിക്കപ്പെടുമെന്നാണ് പ്രതീക്ഷയെന്നും റഷ്യൻ വിദേശകാര്യ മന്ത്രാലയം അറിയിച്ചു.

അടുത്തമാസം റഷ്യ സന്ദർശിക്കുന്ന നരേന്ദ്ര മോദി ഇക്കാര്യത്തിൽ കൂടുതൽ ചർച്ചകൾ നടത്തുമെന്നാണ് നിഗമനം .

2K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close