India

ഒപ്പമുണ്ട് എന്നും; സ്വാതന്ത്ര്യദിനത്തില്‍ ഇന്ത്യ-ബംഗ്ലാദേശ് അതിര്‍ത്തിയില്‍ മധുരം പങ്കുവെച്ച് ബിഎസ്എഫ്-ബംഗ്ലാദേശ് സേനകള്‍

ഫുല്‍ബാരി: രാജ്യം ഇന്ന് 73-ാം സ്വാതന്ത്ര്യദിനം ആഘോഷിക്കവേ ഇന്ത്യ-ബംഗ്ലാദേശ് അതിര്‍ത്തിയില്‍ മധുരം പങ്കുവെച്ച് ബിഎസ്എഫ്-ബോര്‍ഗര്‍ ഗാര്‍ഡ്‌സ് ബംഗ്ലാദേശ്(ബിജിബി) സേനകള്‍. പരമ്പരാഗതമായ രീതിയിലാണ് ഇരു സേനകളും അതിര്‍ത്തിയില്‍ മധുരം കൈമാറിയത്.

ഇന്ത്യയിലേയും ബംഗ്ലാദേശിലേയും പ്രധാന ദിവസങ്ങളിലെല്ലാം ഇരു രാജ്യങ്ങളും അതിര്‍ത്തിയില്‍ സമാനമായ രീതിയില്‍ മധുരം പങ്കുവെക്കാറുണ്ട്. സ്വാതന്ത്ര്യദിന സന്ദേശത്തില്‍ പ്രധാനമന്ത്രി നരേന്ദ്ര മോദി ഭീകരതയോടുള്ള ബംഗ്ലാദേശിന്റെ പോരാട്ടത്തെക്കുറിച്ച് പ്രതിപാദിച്ചിരുന്നു. ഭീകരവാദം തുടച്ചു നീക്കാന്‍ ആഗോള ശക്തികള്‍ ഒന്നിക്കണമെന്നും അദ്ദേഹം ആവശ്യപ്പെട്ടിരുന്നു.

എന്നാല്‍ പാകിസ്ഥാന്റെ സ്വാതന്ത്ര്യദിനമായ ഓഗസ്റ്റ് 14ന് അട്ടാരി-വാഗാ അതിര്‍ത്തിയില്‍ മധുരം പങ്ക് വെക്കാന്‍ പാകിസ്ഥാന്‍ സേന തയ്യാറായിരുന്നില്ല. അതേസമയം, സ്വാതന്ത്ര്യത്തില്‍ ഇന്ത്യക്ക് ആശംസകളുമായി അമേരിക്ക രംഗത്തെത്തി. ഇന്ത്യയുടെ 73ാം സ്വാതന്ത്ര്യ ദിനത്തില്‍ ഇന്ത്യന്‍ ജനതയ്ക്ക് അമേരിക്കന്‍ ഭരണകൂടത്തിന്റെ എല്ലാവിധ ആശംസകളും നേരുന്നതായി അമേരിക്കന്‍ സ്റ്റേറ്റ് സെക്രട്ടറി മൈക്ക് പോംപിയോ പറഞ്ഞു.

414 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close