ബാസല്(സ്വിറ്റ്സര്ലാന്ഡ്): ലോക ബാഡ്മിന്റണ് ചാംപ്യന്ഷിപ്പില് വനിതാ വിഭാഗത്തില് ഇന്ത്യന് താരം പി.വി സിന്ധു ഫൈനലില്. തുടര്ച്ചയായി മൂന്നാം തവണയാണ് പി.വി സിന്ധു ഫൈനലില് എത്തുന്നത്. സെമി ഫൈനലില് ചൈനീസ് താരം ചെന് യു ഫെയിയെ തോല്പ്പിച്ചാണ് സിന്ധു ഫൈനലില് എത്തിയത്. സ്കോര്: 21-7,21-14. മത്സരം 40 മിനിറ്റ് നീണ്ടുനിന്നു.
കഴിഞ്ഞ രണ്ടു വര്ഷവും സിന്ധു ലോക ചാംപ്യന്ഷിപ്പില് ഫൈനലില് എത്തിയിരുന്നെങ്കിലും വെള്ളിയില് ഒതുങ്ങുകയായിരുന്നു. ലോക ചാംപ്യന്ഷിപ്പില് രണ്ടു വെങ്കലമെഡലുകളും സിന്ധു നേടിയിട്ടുണ്ട്.
ചൈനീസ് തായ്പേയിയുടെ തായ് യസു യിങ്ങിനെ ഒന്നിനെതിരെ രണ്ടു ഗെയിമുകള്ക്കു മറികടന്നാണ് സിന്ധു സെമിയിലെത്തിയത്.
