ഇന്ത്യയുടെ റഫേലിനോട് പിടിച്ച് നിൽക്കാൻ ഈജിപ്റ്റിനോട് മിറാഷ് ആവശ്യപ്പെട്ട് പാകിസ്ഥാൻ . കശ്മീർ വിഷയത്തിൽ ഇരു രാജ്യങ്ങളും തമ്മിലുള്ള ബന്ധം സങ്കീർണ്ണമാകവെയാണ് പുതിയ നീക്കം . 36 മിറാഷ് യുദ്ധവിമാനങ്ങളാണ് ഈജിപ്റ്റിനോട് പാകിസ്ഥാൻ ആവശ്യപ്പെട്ടിരിക്കുന്നത് .
ഇതുമായി ബന്ധപ്പെട്ട ചർച്ചകൾ അവസാന ഘട്ടത്തിലാണെന്നും നവീകരണത്തിന് ശേഷം പാകിസ്ഥാൻ വ്യോമസേന മിറാഷ് സൈന്യത്തിന്റെ ഭാഗമാക്കുമെന്നുമാണ് റിപ്പോർട്ടുകൾ .
ഫ്രാൻസിലെ ദസോ ഏവിയേഷൻ വികസിപ്പിച്ച യുദ്ധ വിമാനങ്ങളാണ് മിറാഷ് . അത്യന്തരം അപകടകാരികളായ ആയുധങ്ങൾ വഹിക്കാനും മിറാഷിനു കഴിവുണ്ട് .
അതേസമയം ഏകദേശം ഒമ്പത് ടണ്ണോളം വ്യത്യസ്ത ആയുധങ്ങൾ വഹിക്കാൻ ശേഷിയുള്ള റഫേലിനൊപ്പം പിടിച്ച് നിൽക്കാൻ മിറാഷിനു കഴിയില്ലെന്നാണ് റിപ്പോർട്ടുകൾ .
ഒരേ സമയം പല കാര്യങ്ങൾ ചെയ്യാനുള്ള ശേഷിയും റഫേലിന്റെ പ്രത്യേകതയാണ്.മാത്രമല്ല ലക്ഷ്യങ്ങൾ കണ്ടെത്തി അവയുടെ ത്രിമാന രേഖാചിത്രങ്ങൾ ഉണ്ടാക്കാനും സാധിക്കും.ആറ് എയർ ടു എയർ മിസൈൽ വഹിക്കാനുള്ള ശേഷിയുള്ളവയാണ് റഫേൽ പോർ വിമാനങ്ങൾ .