Sports

പരീക്ഷണം മടുക്കുന്നു, രോഹിത് ശര്‍മ്മ സ്ഥിരം ഓപ്പണറാകും

ന്യൂഡല്‍ഹി: ടെസ്റ്റില്‍ മികച്ച ഫോമില്‍ ടീം ഇന്ത്യ മുന്നേറുമ്പോഴും ഓപ്പണിംഗ് ജോഡികളുടെ സ്ഥിരതയില്ലായ്മക്ക് പരിഹാരം നേടാന്‍ ബിസിസിഐ ഒരുങ്ങുന്നു. ആദ്യഘട്ടമെന്ന നിലയില്‍ രോഹിത് ശര്‍മ്മയെ സ്ഥിരം ഓപ്പണറാക്കും. കഴിഞ്ഞ വിന്‍ഡീസ്പരമ്പരയില്‍ നാല് ഇന്നിംഗ്‌സുകളിലായി രാഹുല്‍ ആകെ നേടിയിരിക്കുന്നത് 101 റണ്‍സ് മാത്രമായിരുന്നു.

‘ഏകദിനത്തിലെ അപാരഫോമിലുള്ള രോഹിത്- ശിഖര്‍ധവാന്‍ ജോഡി നല്‍കുന്ന ആത്മവിശ്വാസം വലുതാണ്. നല്ലതുടക്കം ടെസ്റ്റില്‍ കിട്ടാത്തതിനാല്‍ മികച്ച സ്‌ക്കോറിലേയ്ക്ക് ടീമിന് എത്താനാകുന്നില്ല. മധ്യനിരയിലുണ്ടായ അവസരോചിതമായ ബാറ്റിംഗ് പ്രകടനങ്ങളാണ് ടീമിനെ രക്ഷിച്ചത്’ മുഖ്യസെലക്ടറായ എംഎസ്‌കെ പ്രസാദ് പറഞ്ഞു.രാഹുല്‍ കഴിഞ്ഞ 12 ഇന്നിംഗ്‌സുകളിലായി ഒറ്റ അര്‍ദ്ധസെഞ്ച്വറി മാത്രമാണ് നേടിയത്.

Loading...

ടെസ്റ്റ് ടീമിലുണ്ടായിട്ടും അവസാന പതിനൊന്നില്‍ രോഹിതിനെ ഉള്‍പ്പെടുത്തിയിരുന്നില്ല.മധ്യനിരയിലാണ് രോഹിത് ടെസ്റ്റില്‍ കളിക്കുന്നത്. രോഹിതിനെക്കൊണ്ടുതന്നെ ടെസ്റ്റിലും ഓപ്പണ്‍ ചെയ്യിക്കണമെന്ന ആവശ്യത്തിന് മുന്‍ ക്യാപ്‌ററനായ സൗരവ് ഗാംഗുലിയും വിവിഎസ് ലക്ഷമണും പിന്തുണപ്രഖ്യാപിച്ചിട്ടുണ്ട്.

ദക്ഷിണാഫ്രിക്കക്കെതിരെ നടക്കാനിരിക്കുന്ന ടെസ്റ്റില്‍ രോഹിത് ശര്‍മ്മ ഓപ്പണറായി ഇറങ്ങുമെന്ന് തന്നെയാണ് സൂചനയെന്നും വില്‍ഡീസ് പരമ്പരയ്ക്ക് ശേഷം സെലക്ഷന്‍ കമ്മിറ്റി കൂടിയാലുടന്‍ പ്രഖ്യാപനം വരുമെന്നുമാണ് പ്രസാദ് ഒരു അന്താരാഷ്ട്രമാധ്യമത്തിന് നല്‍കിയ അഭിമുഖത്തില്‍ വ്യക്തമാക്കി.

432 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close