ന്യൂഡല്ഹി : ശത്രുക്കളുടെ കോട്ടകള് തകര്ക്കാന് സജ്ജരായി സ്പെഷ്യല് ഓപ്പറേഷന് ഡിവിഷനിലെ കമാന്ഡോകള്. ഒരാഴ്ച നീണ്ടു നിന്ന നിര്ണ്ണായക പരിശീലനങ്ങള് കമാന്ഡോകള് പൂര്ത്തിയാക്കി. ഗുജറാത്തിലായിരുന്നു ഇവരുടെ അഭ്യാസ പരിശീലനങ്ങള്.
കഴിഞ്ഞ മെയ് മാസത്തിലാണ് കമാന്ഡോ വിഭാഗത്തിന് രൂപം നല്കിയത്. യുദ്ധം, ഭീകര വിരുദ്ധ പ്രവര്ത്തനങ്ങള്, മിന്നാലാക്രണങ്ങള് എന്നിവ പ്രതിരോധിക്കുന്നതിന് വേണ്ടിയാണ് സ്പെഷ്യല് ഓപ്പറേഷന് ഡിവിഷന് രൂപീകരിച്ചത്. കരസേനയുടെ പാരാ സ്പെഷ്യല് ഫോഴ്സ്, നാവിക സേനയുടെ മാര്കോസ്, വ്യോമസോനയുടെ ഗരുഡ് എന്നീ കമാന്ഡോ വിഭാഗങ്ങളെ കോര്ത്തിണക്കിയാണ് സ്പെഷ്യല് ഓപ്പറേഷന് ഡിവിഷന് രൂപവത്കരിച്ചിരിക്കുന്നത്. അമേരിക്കന് ജോയിന്റ് സ്പെഷ്യല് ഓപ്പറേഷന് കമാന്ഡിനെ മാതൃകയാക്കിയാണ് സ്പെഷ്യല് ഓപ്പറേഷന് ഡിവിഷന് രൂപീകരിച്ചിരിക്കുന്നത്.
മേജര് ജനറല് എ.കെ ധിന്ഗ്രയാണ് ഓപ്പറേഷന് ഡിവിഷന്റെ തലവനായി നിയമിച്ചിരിക്കുന്നത്. ഇന്റഗ്രേറ്റഡ് ഡിഫന്സ് സ്റ്റാഫിന്റെ കീഴിലാണ് സ്പെഷ്യല് ഓപ്പറേഷന് ഡിവിഷന് പ്രവര്ത്തിക്കുക.
2012 ലാണ് ഇത് സംബന്ധിച്ച് ആദ്യ നിര്ദ്ദേശമുണ്ടായത്. പിന്നീട് മോദി സര്ക്കാര് അധികാരത്തിലെത്തിയ ശേഷം 2018 ലാണ് കമാന്ഡോ സ്പെ്ഷ്യല് ഓപ്പറേഷന് ഡിവിഷന് രൂപവത്കരിക്കാനുള്ള പ്രഖ്യാപനമുണ്ടായത്.
