ലണ്ടന്: തണുപ്പന് കളി ഇരുടീമുകളും പുറത്തെടുത്ത പ്രീമിയര് ലീഗ് മത്സരത്തില് മാഞ്ചസ്ററര് യുണൈറ്റഡിനെ തളച്ച് ആഴ്സണല് മുന്നേറി.ഓള്ഡ്ട്രാഫോഡില് നടന്ന ഇരുടീമുകളുടേയും ഏഴാമത്തെ മത്സരത്തിലാണ് ഓരോ ഗോളുകളടിച്ച് സമനിലയില് പിരിഞ്ഞത്. ഇതോടെ ആഴ്സണല് 12 പോയിന്റുമായി 4-ാം സ്ഥാനത്തും മാന്യൂ 10-ാം സ്ഥാനത്തുമാണ്.
മികച്ച ഒരു കളികാണാനെത്തിയ ഇരുടീമുകളുടെ ആരാധകരേയും നിരാശരാക്കിയാണ് മത്സരം അവസാനിച്ചത്. സ്കോട്ട് മക്ടോമിനേയിലൂടെ മാഞ്ചസ്റ്റര് യുണൈറ്റഡാണ് ആദ്യം ഗോള് നേടിയത്.വളരെ സാവധാനം നീങ്ങിയ ആദ്യപകുതുയിലെ 45-ാം മിനിറ്റിലാണ് ആള്സണലിന്റെ വല കുലുങ്ങിയത്. ഗോള് ഏരിയയുടെ മൂലയില് നിന്ന് സ്കോട്ടിന്റെ ഷോട്ട് വലയില് കയറി.
തുടര്ന്ന് കുറച്ച് ഉണര്ന്ന് കളിച്ച ഗ്രാനിറ്റ് സാക്ക ക്യാപ്റ്റനായ ആഴ്സണലിനായി അനായാസം പിയറിയാണ് സമനില പിടിച്ചത്.ലൈന് റഫറി ഓഫ് സൈഡ് വിധിച്ചിട്ടും മാച്ച് റഫറി വീഡിയോ ദൃശ്യത്തിലൂടെ ഗോള് അനുവദിക്കുകയായിരുന്നു.ആഴ്സണലിനായി ശരിക്കും വിയര്ത്തത് ഗോളിയായ ബര്ണാഡ് ലെനോയാണ്. കുറഞ്ഞത് അഞ്ച് ഗോള്സാധ്യതകളാണ് ലെനോ രക്ഷിച്ചത്.
മാഞ്ചസ്റററിനായി വീണ്ടും ഗോളുകള് നേടാനുള്ള അവസരം മക്ടോമിനേയും ക്യാപ്റ്റന് ആഷ്ലേ യങും കളഞ്ഞുകുളിക്കുകയായിരുന്നു.ആഷ്ലിയുടെ മികച്ച ക്രോസ്സ് കൃത്യമായി മക്ടോമിനേ ഹെഡറിലൂടെ പായിച്ചിട്ടും ഗോളാകാതെ പോയി.പോയിന്റ് നിലയില് ഇത്രയും പിന്നിലായ ചരിത്രം മാഞ്ചസ്റ്ററിനില്ല.1989ലാണ് 7-ാംമത്തെ ആഴ്ചയില് മാഞ്ചസ്റ്റര് 13 പോയിന്റുകളോടെ പുറകിലായിട്ടുള്ളത്.
