ഫ്രാങ്ക്ഫട്ട്: ജര്മ്മനിയുടെ കാല്പ്പന്ത് കളത്തിലെ കരുത്തന് ബാസ്റ്റന് ഷ്വെയിന്സ്റ്റീഗര് കളിക്കളത്തോട് വിടപറയുന്നു.ജര്മ്മനിക്ക് ലോകകിരീടം നേടിക്കൊടുത്തതില് നിര്ണ്ണായക പങ്കുവഹിച്ച താരങ്ങളിലൊരാളാണ് ഷ്വെയിന്സ്റ്റീഗര്.
ട്വിറ്ററിലൂടെയാണ് ജര്മ്മനിയുടെ ഈ മധ്യനിരതാരം തന്റെ വിരമിക്കല് തീരുമാനം മറിയിച്ചത്.’ പ്രീയ ആരാധകരെ. സമയമായിരിക്കുന്നു. ഈ സീസണോടുകൂടി എന്റെ ഫുട്ബോള് ജീവിതം അവസാനിപ്പിക്കുകയാണ്. എന്റെ ആരാധകരോടും ഞാന് ഭാഗമായിരുന്ന എഫ് സി ബയേണ്, മാഞ്ചസ്റ്റര് യുണറ്റഡ്, ഷിക്കാഗോ ഫയര് കൂടാതെ ജര്മ്മന് ദേശീയ ടീമിനും നന്ദി ‘കളിക്കളത്തില് നിന്ന് മാറുന്നതില് വിഷമമുണ്ട്. പക്ഷെ വരാനിരിക്കുന്ന ആവേശകരമായ നാളുകളെ താന് പ്രതീക്ഷയോടെയാണ് കാണുന്നത്, ഷ്വെയിന്സ്റ്റീഗര് പറഞ്ഞു.
ബയേണ് മ്യൂണിച്ചിനായിട്ടാണ് ഷ്വെയിന്സ്റ്റീഗര് ഏറ്റവുമധികം കാലം ബൂട്ടണിഞ്ഞത്.അതില് 8 ബുന്ദേസ്ലീഗാ കിരീടവും 7 ജര്മ്മന് കപ്പും 2013ലെ ചാമ്പ്യന്സ് ലീഗും സ്വന്തമാക്കി.35 കാരനായ താരം ബയേണിനായി 300 കളികളില് നിന്നായി 45 ഗോളുകളും സ്വന്തമാക്കിയിട്ടുണ്ട്.മാഞ്ചസ്റ്ററിനായി 18 കളികളില് ബൂട്ടണിഞ്ഞ് ലീഗ് കപ്പും എഫ്എ കപ്പും സ്വന്തമാക്കി.രാജ്യത്തിനുവേണ്ടി 121 മത്സരങ്ങളില് നിന്നായി 24 ഗോളുകളാണ് അടിച്ചുകൂട്ടിയത്.