ഉലന്‍ ഉദെ(സൈബീരിയ): ലോക വനിതാ ബോക്‌സിങ് ചാമ്പ്യന്‍ഷിപ്പ് സെമി ഫൈനലില്‍ മേരികോമിന് പരാജയം. തുര്‍ക്കിയുടെ ബുസാനസ് സാകിരോഗൊളുവിനോടാണ് പരാജയപ്പെട്ടത്. ഇതോടെ മേരികോമിന് വെങ്കലം കൊണ്ട് തൃപ്തിപെടേണ്ടി വരും. 51 കിലോഗ്രം വിഭാഗത്തിലാണ് മേരികോം പരാജയപ്പെട്ടത്. ആദ്യമായാണ് മേരികോം 51 കിലോഗ്രാമില്‍ മത്സരിക്കുന്നത്.
സെമി ഫൈനലില്‍ പരാജയപ്പെട്ടെങ്കിലും ലോക ബോക്‌സിങ് ചാമ്പ്യന്‍ഷിപ്പ് ചരിത്രത്തില്‍ ഏറ്റവും കൂടുതല്‍ മെഡല്‍ നേടിയ താരമെന്ന നേട്ടം മേരിയുടെ പേരിലാണ്. ലോക ചാമ്പ്യന്‍ഷിപ്പില്‍ മേരികോമിന്റെ എട്ടാമത്തെ മെഡലാണ് ഇത്. ചരിത്രത്തില്‍ ആദ്യമായാണ് ഒരു താരം ലോകചാമ്പ്യന്‍ഷിപ്പില്‍ എട്ട് മെഡല്‍ നേടുന്നത്. ക്യൂബന്‍ താരമായ ഫെലിക്‌സ് സാവോണിന്റെ ഏഴ് മെഡല്‍ എന്ന റെക്കോര്‍ഡാണ് മേരികോം മറി കടന്നത്.
തുടര്‍ച്ചയായി ആറു തവണ ലോക ചാമ്പ്യന്‍ഷിപ്പില്‍ സ്വര്‍ണ മെഡല്‍ വാങ്ങിയ ജേതാവാണ് സാവോണ്‍. ഒരു തവണ വെള്ളി മെഡലും നേടിയിരുന്നു. അതേസമയം ആറു സ്വര്‍ണവും,ഒരു വെള്ളിയും ഒരു വെങ്കലവുമാണ് മേരികോമിന്റെ നേട്ടം
