Sports

മേരികോമിന്റെ പരാജയം, റഫറിയുടെ വിധി നിര്‍ണയത്തിനെതിരെ അപ്പീലുമായി ഇന്ത്യ

ഉലന്‍ ഉദെ: ലോക വനിതാ ബോക്‌സിങ് ചാമ്പ്യന്‍ഷിപ്പില്‍ മേരികോമിന്റെ തോല്‍വിക്ക് പിന്നാലെ അപ്പീലുമായി ഇന്ത്യ. റഫറിയുടെ തീരുമാനത്തെ ചോദ്യം ചെയ്താണ് ഇന്ത്യ അപ്പീല്‍ നല്‍കിയത്. എന്നാല്‍ വിധി നിര്‍ണയത്തില്‍ റഫറിക്ക് തെറ്റ് സംഭവിച്ചിട്ടില്ലെന്ന് ചൂണ്ടിക്കാണിച്ച് ഇന്ത്യയുടെ അപ്പീല്‍ നിരസിക്കുകയായിരുന്നു.

ഇന്ത്യയുടെ മെഡല്‍ പ്രതീക്ഷയായ മേരികോം രണ്ടാം സീഡുതാരവും യുറോപ്യന്‍ ജേതാവുമായ ബുസാനെസ് സാകിരൊഗുളുവിനോട് സെമി ഫൈനലില്‍ പരാജയപ്പെട്ടിരുന്നു.

1-4 ന് മേരികോം പരാജയപ്പെട്ടെന്നായിരുന്നു മത്സരഫലം. എന്നാല്‍ ഇതില്‍ അപാകതകളുണ്ടെന്ന് ചൂണ്ടിക്കാണിച്ചാണ് ഇന്ത്യ അപ്പീല്‍ നല്‍കിയത്. 3.2, 3.1 എന്ന സ്‌കോറുകളാണ് മത്സരത്തില്‍ രേഖപ്പെടുത്തിയത്.

റഫറിയെ ചോദ്യം ചെയ്ത് മേരികോമും രംഗത്തെത്തിയിരുന്നു. ട്വീറ്റിലൂടെയാണ് മേരികോം റഫറിയുടെ തീരുമാനത്തിനെതിരെ രംഗത്തെത്തിയത്. ട്വീറ്റ് പ്രധാനമന്ത്രിക്കും, കായിക മന്ത്രിക്കും മേരികോം ടാഗ് ചെയ്തിരുന്നു.

മത്സരത്തിന്റെ ആദ്യ പകുതിയില്‍ മേരികോം ആയിരുന്നു ആക്രമിച്ച് കളിച്ചിരുന്നത്. എന്നാല്‍ രണ്ടാം റൗണ്ടില്‍ മികച്ച പോരാട്ടം ബുസാനെസിന്റേതായിരുന്നു. അവസാന മൂന്നു മിനിറ്റില്‍ ബുസാനെസിന്റെ പോരാട്ടം മികച്ചതായിരുന്നു. ക്വാര്‍ട്ടറില്‍ കൊളംബിയയുടെ വലന്‍സിയ വിക്ടോറിയയെ തോല്‍പ്പിച്ചാണ് മേരികോം സെമിയില്‍ പ്രവേശിപ്പിച്ചത്. 5-0 യിലായിരുന്നു മേരിയുടെ ജയം.

116 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close