India

കശ്മീരില്‍ പോസ്റ്റ് പെയ്ഡ് മൊബൈല്‍ സേവനങ്ങള്‍ തിങ്കളാഴ്ച്ച മുതല്‍ പുനസ്ഥാപിക്കും

ശ്രീനഗര്‍: ജമ്മു കശ്മീരില്‍ പോസ്റ്റ് പെയ്ഡ് മൊബൈല്‍ സേവനങ്ങള്‍ തിങ്കളാഴ്ച്ച മുതല്‍ പുനസ്ഥാപിക്കും. തിങ്കളാഴ്ച്ച ഉച്ചയ്ക്ക് 12 മണിയോടെ എല്ലാ പോസ്റ്റ് പെയ്ഡ് മൊബൈല്‍ സേവനങ്ങളും പുനസ്ഥാപിക്കുമെന്ന് ജമ്മു കശ്മീര്‍ പ്രിന്‍സിപ്പല്‍ സെക്രട്ടറി രോഹിത് കന്‍സാല്‍ വ്യക്തമാക്കി. ശനിയാഴ്ച്ച സേവനങ്ങള്‍ പുനസ്ഥാപിക്കാനായിരുന്നു തീരുമാനം. എന്നാല്‍ ചില സാങ്കേതിക തകരാറുകള്‍ ശ്രദ്ധയില്‍പെട്ടതോടെ തിങ്കളാഴ്ച്ചത്തേക്ക് മാറ്റി വെയ്ക്കുകയായിരുന്നു.

ജമ്മു കശ്മീരിന്റെ പ്രത്യേക പദവിയായ ആര്‍ട്ടിക്കിള്‍ 370 റദ്ദാക്കിയതിന് ശേഷമാണ് പ്രദേശത്ത് മൊബൈല്‍ സേവനങ്ങള്‍ക്ക് നിയന്ത്രണമേര്‍പ്പെടുത്തിയത്. ഓഗസ്റ്റ് 5 മുതലാണ് നിയന്ത്രണങ്ങള്‍ ഏര്‍പ്പെടുത്തിയത്.

ഓഗസ്റ്റ് 17 ഓടെ ലാന്‍ഡ്ലൈന്‍ ഫോണുകള്‍ക്കുള്ള നിയന്ത്രണം ഭാഗികമായി സര്‍ക്കാര്‍ പിന്‍വലിച്ചിരുന്നു. സെപ്തംബര്‍ 4 ഓടെ എല്ലാ ലാന്‍ഡ് ലൈന്‍ കണക്ഷനുകളും പൂര്‍ണമായും പ്രവര്‍ത്തനക്ഷമമാക്കിയിരുന്നു.

കശ്മീരിലെ പൂഞ്ച്, രജൗരി, ദോഡ, കിഷ്ത്വാര്‍, രാംബാന്‍, എന്നിവിടങ്ങളില്‍ മൊബൈല്‍ സേവനങ്ങള്‍ നേരത്തെ തന്നെ പുനസ്ഥാപിച്ചിരുന്നു.

86 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close