പൂനെ: രണ്ടാം ടെസ്റ്റിലും കനത്തതോല്വി ഏറ്റുവാങ്ങിയ ദക്ഷിണാഫ്രിക്കന് നായകന് ടീമില് സീനിയര് താരങ്ങളില്ലാത്തതിന്റെ വിഷമം തുറന്നുപറഞ്ഞു.നിലവില് ഇന്ത്യയിലെ സാഹചര്യത്തില് ബാറ്റ്ചെയ്യാനറിയുന്ന പരിചയസമ്പന്നരുടെ കുറവാണ് ബാറ്റിംഗിലെ തകര്ച്ചയ്ക്ക് കാരണം.ലോകോത്തര താരങ്ങളായ ഹാഷിം അംലയ്ക്കും എബി ഡിവിലിയേഴ്സിനും പകരക്കാരായി താരങ്ങള് ഒരു ദിവസംകൊണ്ട് സൃഷ്ടിക്കപ്പെടില്ല, ഡ്യൂപ്ലെസിസ് പറഞ്ഞു.ഇന്ത്യന് പര്യടനത്തിലുള്ള ദക്ഷിണാഫ്രിക്കന് ടീം ആദ്യ ടെസ്റ്റില് 203 റണ്സിനും രണ്ടാം ടെസ്റ്റില് ഒരിന്നിംഗ്സിനും 137 റണ്സിനുമാണ് തകര്ന്നടിഞ്ഞത്.
‘ടീമിന്റെപ്രകടനത്തെ ബാധിച്ചിരിക്കുന്നത് പരിചയക്കുറവുമാത്രമാണ്. അനേകം ടെസ്റ്റ്കളിച്ച് ശീലിച്ചതാരങ്ങളുടെ ടീമാണ് ഇന്ത്യയ്ക്കുള്ളത്.മാത്രമല്ല അവരുടെ മണ്ണിലാണ് കളിക്കുന്നത്.ജാക് കല്ലിസ്,ഷോണ് പൊള്ളോക്ക്,ഡെയ്ല് സ്റ്റെയിന്,മോര്ണീ മോര്ക്കല്,അംല,ഡിവിലിയേഴ്സ് എന്നിവര് ഒരുമിച്ചുണ്ടായിരുന്ന ഒരു ടീമായിരുന്നു ഞങ്ങളുടേത്. ആ പരിചയം ഇന്നുള്ളവര്ക്കില്ല.’ഗാന്ധി-മണ്ഡേല ട്രോഫിക്കായുള്ള പരമ്പര നഷ്ടമായതിന്റെ നിരാശ പൂര്ണ്ണമായും ദക്ഷിണാഫ്രിക്കന് നായകന്റെ വാക്കുകളില് നിഴലിച്ചു.
‘നിലവിലെ താരങ്ങളില് 15 ടെസ്റ്റുകളില് കൂടുതല് കളിച്ചവരില്ല.മറ്റ് രാജ്യങ്ങളില് കളിക്കുന്നതിന്റെ എല്ലാ വിഷമങ്ങളും അവര് പഠിക്കേണ്ടിയിരിക്കുന്നു.നിലവില് ഡീ കോക്കും എല്ഗറും തനിക്കൊപ്പം ടീമിന് മികച്ച പിന്തുണ നല്കുന്നതില് പ്രതീക്ഷയും സന്തോഷവുമുണ്ട്.’ഡ്യൂപ്ലസിസ് വ്യക്തമാക്കി.