ക്വാലാലംപൂര്: ഇന്ത്യന് ഫുട്ബോളിന്റെ മുഖമായി മാറിയ ഐഎസ്എല്ലിനെ പ്രിമിയര് ലീഗായി പ്രഖ്യാപിച്ചു.ഏഷ്യന് ഫുട്ബോള് ഫെഡറേഷനാണ് തീരുമാനം അറിയിച്ചത്.ഐ ലീഗിന്റെ ആവശ്യത്തെ മറികടന്നാണ് പുതിയ തീരുമാനം വന്നത്. ക്വാലാലംപൂരിലെ ഏഷ്യന് ഫുട്ബോള് രംഗത്തെ സുപ്രധാന സമിതിയായ ഏഎഫ്സിയാണ് തീരുമാനം പ്രഖ്യാപിച്ചത്.
പ്രിമിയര് ലീഗ് സ്ഥാനം ലഭിക്കുന്നതോടെ ഐഎസ്എല്ലിന് ഏഷ്യന് ഫുട്ബോള് ലീഗിലെ ചാമ്പ്യന്സ് ലീഗ് പ്ലേ ഓഫില് നേരിട്ട് കളിക്കാം.എന്നാല് ഇന്ത്യയില് നിലവിലുള്ള ഐ ലീഗ് കളിക്കുന്നവര്ക്ക് എഎഫ്സി കപ്പ് ടൂര്ണമെന്റിലെ പ്ലേ ഓഫിലാണ് കളിക്കാനാവുക.
ഇതിന് മുന്നോടിയായി ഐ ലീഗിലെ ആദ്യ രണ്ടു ടീമുകള്ക്ക് അടുത്ത സീസണില് ഐഎസ്എല്ലില് കളിക്കാന് സാധിക്കും.തുടര്ന്നുള്ള സീസണില് ഐ ലീഗ് ചാമ്പ്യന്മാര്ക്ക് നേരിട്ട് ഐഎസ്എല്ലില് യോഗ്യതനേടാം.തരംതാഴ്ത്തല് നടപടികളെടുക്കുന്നു എന്ന പേരില് ഐഎസ്എല് ഐ ലീഗ് പോര് ആരംഭിച്ചതോടെയാണ് ഏഷ്യന് ഫെഡറേഷന് തീരുമാനമെടുത്തത്.
ഇന്ത്യയിലെ 9 സംസ്ഥാനങ്ങള് കേന്ദ്രീകരിച്ചുള്ള 10 ടീമുകള് കളിക്കുന്ന ടൂര്ണ്ണമെന്റാണ് ഇന്ത്യന് സൂപ്പര് ലീഗെന്ന ഐഎസ്എല്. ഈ മത്സരങ്ങള് പ്രത്യേക പ്രചരണങ്ങളില്ലാതെയാണ് ഇന്ത്യന് ഫുട്ബോള് ഫെഡറേഷന് നടത്തുന്നത്.2018-19 സീസണില് ഐഎസ്എല്ലില്, എഫ് സി ഗോവയെ ഏകപക്ഷീയമായ ഒരു ഗോളിന് തോല്പിച്ച് ബാംഗ്ലൂര് എഫ് സിയാണ് ജേതാക്കളായത്. 2007 ല് ആരംഭിച്ച 21 ക്ലബ്ബ് ടീമുകള് മാറ്റുരയ്ക്കുന്ന സംവിധാനമാണ് ഐ ലീഗ് സംവിധാനം.
