ഇന്ത്യൻ സൈന്യത്തിന്റെ തേരാളിയെ സ്വന്തമാക്കി മഹേന്ദ്ര സിംഗ് ധോണി . സൈന്യം ഉപയോഗിച്ചുകൊണ്ടിരുന്ന ജോങ്കയാണ് ധോണി സ്വന്തമാക്കിയത് . ഒരുകാലത്ത് ഇന്ത്യൻ സൈന്യത്തിന്റെ വിശ്വസ്തനായിരുന്നു ജോങ്ക , സൈനികാവശ്യങ്ങൾക്ക് മാത്രമല്ല സിഗ്നൽ , റിക്കവറി വാഹനമായും സൈന്യം ഉപയോഗിച്ചത് ജോങ്കയാണ് .
എന്നും ഇന്ത്യൻ സൈന്യത്തിന്റെ മികച്ച 4×4 വാഹനമായിട്ടാണ് ജോങ്കയെ കണക്കാക്കുന്നത് . ഇരുപത് വർഷം പഴക്കമുണ്ട് ധോനി സ്വന്തമാക്കിയ ജോങ്കയ്ക്ക് . 1965 മുതൽ 99 വരെ ഇന്ത്യൻ സൈന്യത്തിന്റെ ഭാഗമായിരുന്നു ജോങ്ക. നിസാന്റെ പെട്രോൾ 60 ന്റെ ഇന്ത്യൻ മിലിട്ടറി പതിപ്പാണിത് .
ജബല്പൂർ ഓർഡ്നൻസ് ആന്റ് ഗൺക്യാരേജ് അസംബ്ലി എന്നതിന്റെ ചുരുക്കപ്പേരാണ് ജോങ്ക . ആറു സിലിണ്ടർ നാലു ലിറ്റർ ഇൻ ലൈൻ പെട്രോൾ എഞ്ചിനാണ് ജോങ്കോയ്ക്കുള്ളത് . 110 ബിഎച്ച്പിയാണ് ശക്തി പകരുന്നത് .
നാലു ലിറ്റർ ഹിനോ ഡീസൽ എഞ്ചിൻ ഘടിപ്പിച്ച ജോങ്കയുടെ സിവിലിയൻ പതിപ്പിലുള്ള 100 വാഹനങ്ങൾ 1996 പുറത്തിറങ്ങിയിരുന്നു .