കൊല്ക്കൊത്ത: ടീം ഇന്ത്യയുടെ മുതിര്ന്ന താരങ്ങളുടെ സമ്മതം ലഭിച്ചതോടെ ഇന്ത്യന് ക്രിക്കറ്റ് ചരിത്രത്തിലെ ആദ്യ പകല്-രാത്രി ടെസ്റ്റ് മല്സരത്തിന് കൊല്ക്കത്തയിലെ പ്രസിദ്ധമായ ഈഡന് ഗാര്ഡന്സ് വേദിയാകും.ബംഗ്ലാദേശും ഇതോടെ ഇന്ത്യയ്ക്കൊപ്പം ക്രിക്കറ്റിലെ പുതിയ അധ്യായം കുറിക്കും.
സൗരവ് ഗാംഗുലി ബിസിസിഐ സാരഥിയായ ശേഷം നടക്കുന്ന ആദ്യ അന്താരാഷ്ട്ര പരമ്പര ബംഗ്ലാദേശിനെതിരെ ഈ ആഴ്ച ആരംഭിക്കുകയാണ്.നവംബര് 22 നാണ് ആദ്യ ടെസ്റ്റ്.പുതിയ അധ്യക്ഷനാകും മുന്നേതന്നേ ഗാംഗുലി രാത്രി ടെസ്റ്റ് മത്സരം എന്ന ആശയത്തോട് അനുകൂലിച്ചയാളാണ്.കൂടാതെ മുന് ഇന്ത്യന് നായകനും ലോകോത്തര സ്പിന്നറുമായ
അനില് കുംബ്ലേയും അനുകൂലിച്ചിരുന്നു.ഇന്ത്യയിലെ കാണികളെ മൈതാനത്തേയ്ക്ക് ആകര്ഷിക്കാന് രാത്രി മത്സരങ്ങളാണ് നല്ലതെന്ന അഭിപ്രായമാണ് ഗാംഗുലിക്കും കുംബ്ലേക്കുമുള്ളത്.
മുന്പ് ഈ ആശയം ഉയര്ന്നുവന്നപ്പോള് നിലവിലെ ഇന്ത്യന് നായകന് വിരാട് കോഹ്ലി എതിര്പ്പുമായി രംഗത്തുവന്നിരുന്നു.ടെസ്റ്റ് ചാമ്പ്യന്ഷിപ്പ് നടക്കാനിരിക്കെ പകല്-രാത്രി മത്സരങ്ങള് കളിക്കാരുടെ ക്ഷമതകുറയ്ക്കുമെന്നാണ് കോഹ്ലി മുന്നേപറഞ്ഞിരുന്നു. ബംഗ്ലാദേശ് ടീമിന്റെ അനുവാദം ഇതുവരെ പകല്-രാത്രി മത്സരങ്ങള്ക്ക് ലഭിച്ചിട്ടില്ല.
