ചെന്നൈ: മുന് സൂപ്പര്ലീഗ് ചാമ്പ്യന്മാരുടെ ഏറ്റുമുട്ടലിന്ന്.ചെന്നൈയിന് എഫ്സിയും അത്ലെറ്റികോ ഡീ കൊല്ക്കത്തയും തമ്മില് ഇന്ന് ഏറ്റുമുട്ടും.മറീന അറീനയില് നടക്കുന്ന മത്സരത്തില് ഒരു കളി പോലും ജയിക്കാതെ നില്ക്കുന്ന ചെന്നൈയിന് അഭിമാനപ്രശ്നമാണ്. കൊല്ക്കത്തയാകട്ടെ വിജയപാതയില് മുന്നേറിയാല് മാത്രമേ ആദ്യ നാലിലേയ്ക്ക കയറാനാകൂ എന്ന അവസ്ഥയിലാണ്.
ഐഎസ്എല്ലിന്റെ ആറാം സീസണില് എട്ടാം സ്ഥാനത്താണ് നിലവില് ചെന്നൈയിന്. കഴിഞ്ഞ കളിയില് എഫ്സി ഗോവയോട് 3-0ന് ചെന്നൈയിന് തോറ്റിരുന്നു.എന്നാല് ദീപാവലിനാളില് മുംബൈ സിറ്റി എഫ്സിയോട് സമനില പിടിച്ചതിനാലാണ് ഒരു പോയിന്റ് ലഭിച്ചത്. എന്നിരുന്നാലും പ്രതിരോധനിരയുടെ പിഴവുകള് പരിഹരിച്ച് കൊല്ക്കത്തയ്ക്കിന്ന് ശക്തമായ വെല്ലുവിളി ഉയര്ത്തുമെന്നാണ് കോച്ച് ജോണ് ഗ്രിഗറി പറയുന്നത്. ബ്രസീല് താരമായ റാഫേല് ക്രീവെല്ലാറോയും അനിരുദ്ധ് ധാപ്പയും സൃഷ്ടിച്ച നിരവധി അവസരങ്ങള് മുതലാക്കാന് ചെന്നൈയിന് സാധിച്ചില്ല.
അത്ലറ്റികോ ഡീ കൊല്ക്കൊത്ത മികച്ച ആത്മവിശ്വാസത്തിലാണ്.കഴിഞ്ഞ കളിയില് ഹൈദരാബാദിനെതിരെ 5-0ന്റെ ഉശിരന് വിജയമാണ് അവരെ ആവേശത്തിലാക്കുന്നത്.
ഇരുടീമുകളും ഐഎസ്എല്ലില് ഇതിന് മുമ്പ് 12 തവണയാണ് ഏറ്റുമുട്ടിയിട്ടുള്ളത്.ഇതില് 5 തവണ കൊല്ക്കത്തയും 3 തവണ ചെന്നൈയിനും ജയിച്ചപ്പോള് 4 കളികള് സമനിലയില്പിരിഞ്ഞു.
